00:00 Чырвоны ходнік. Нямала, напэўна, ў свеце знойдзецца людзей, якім мроіцца прайсціся па чырвонаму ходніку. Каму ж не знаёмае жаданне дабіцца поспеху ды пасмакаваць пачуццё ўласнай значнасці. Падаецца, над чырвоным ходнікам такая атмасфера найлепш адчувальная. Той, каму лёсам наканавана па ім прайсціся, разумее, што канкурэнты пазасталіся ззаду, цяжкая праца, безупынныя трэніроўкі, ці што там яшчэ можа спадарожнічаць у падрыхтоўцы і ў самой барацьбе з супернікамі - гэта ўсё ў мінулым. А наперадзе, расчыняецца шырокая брама да новага жыцця. Да якой  прывёў поспех. 01:48 Поспех - на грэх. Аднак, няма мудрасці ў тым, каб у сваім жыцці гнацца  выключна за поспехам. Так, жывучы ў свеце у якім, згодна з законам эвалюцыі, выжывае мацнейшы, мы маем спакусу, ў дзеяннях быць больш эфектыўнымі, а ў рэалізацыі задуманага больш паспяховымі. Гэта небяспечны шлях. Кніга Выслоўеў Саламонавых асцярагае: "Праца праведнага — на жыццё, поспех бязбожнага — на грэх." (Прп 10,16) 02:41 Вузкая брама Вось і Хрыстос, навучаючы жыццёвай мудрасці кажа: "Імкніцеся прайсці праз вузкую браму, бо, кажу вам, многія будуць спрабаваць увайсці, але не змогуць." Ісус у адказ на пытанне вучняў: "Пане, няўжо мала тых, хто будзе збаўлены?", заахвочвае пазбягаць шырокай брамы. З атрыманнем збаўлення, адзінага сапраўднага і вартага увагі жыццёвага выніку, не ўсё так проста. Не зразумела, ўсе людзі будуць здольныя перайсці праз парог Валадарства Божагац ці не. Пагроза жыццёвай паразы і няўдачы навісае нават над тымі, хто, здавалася б,  тут на зямлі знаходзіцца найбліжэй Госпада. Як сведчыць сам Хрыстос, яны будуць казаць: "Мы елі і пілі перад Табою, і на вуліцах нашых навучаў Ты", але ж у адказ пачуюць словы Госпада "не ведаю вас".  Гэтыя словы будуць адрасаваныя акурат тым, хто лічыў, што жыццё ў іх удалося, усё атрымалася. Гэты тыя, каму здалося, што ўскараскаліся на вяршыню піраміды і перакананыя, што дасягнулі аж такога ўзроўня, што з самім Госпадам за пані-брата, бо Ён з імі есці і п’е. Але акурат яны будуць расчараваныя і адрынутыя. "Не ведаю вас, адкуль вы; адыдзіце ад Мяне ўсе, хто чыніць несправядлівасць." Словы Ісуса гучаць як вырак для усіх паспяховых але якія забудуцца пра адну з важнейшых ісцін: у жыцці, імкнучыся за поспехам, нельга забывацца пра праўду і справядлівасць. "Я — дарога, і праўда, і жыццё"(Ян 14,6) - кажа Хрыстос. А таму, калі насамрэч імкнемся пражыць не ў пустую, і асягнуць не ілюзорны поспех, а сапраўдны, то трэба правільна раставіць націскі. 05:56 Жыццёвае дно - не праблема. Няма чаго баяцца няўдачаў як прафесійных так і ў жыцці асабістым. Няма чаго сароміцца прызнацца, калі не спрацаваў твой прыдуманы план шчаслівага жыцця. Не варта расчароўвацца, калі з-за вернасці ідэалам апынуўся на ўзбочыне, ды наогул выкінуты з краіны, ці пасаджаны за краты. Гэта ўсё неважна. Бо як кажа Мудрасць Божая: "Каня рыхтуюць на дзень бітвы, але перамога — ад Госпада." (Пртч 21,31) Госпад дае перамогу, а значыць няважна на якім жыццёвым дне ты сёння знаходзішся і колькі паразаў перажыў, перамога яшчэ будзе, калі трымаешся Госпада. А таму больш разумна мроіць не пра тое як прайсціся па чырвонаму ходніку, але як знайсці дарогу, якой ёсць сам Хрыстос. Ды пра тое, як не дапусціць ў сваіх учынках несправядлівасці. Гэта і ёсць тая вузкая брама, пра якую кажа Хрыстос. Прайшоўшы праз яе поспех гарантаваны. 💢💢💢 Глядзі https://youtu.be/UfBgydufZkY Чаму Касцёл у Беларусі не кананізуе мучанікаў з СССР. | Святые как ориентиры для нас| #беларусь #нетвойне #христиане #католицькетелебачення #божьеслово @catholic.by