“Уважаемый ксёндз Вячеслав думаю, многим сейчас надо понять официальную позицию церкви касательно скандального высказывания Папы насчёт гомосексуальных браков. И так проблем хватает – и тут ещё такие новости. Ничего непонятно.” Прагучала такое пытанне на маім ютуб-канале. Так вось тлумачу. Афіцыйная пазіцыя Касцёла адносна скандальнага выказвання такая. Папа Францішак не з’яўляецца аўтарам скандальнага выказвання, якое з’явілася ў розных СМІ ва ўсім свеце. Інакш кажучы, скандальнае выказванне, аўтарам якога нібыта ёсць Папа, усяго толькі ўклалі ў вусны Папы, сабраўшы яго словы з розных выказванняў. І ў выніку, ў фільме “Франческо”, мы пачулі тое, што пачулі. Што мы пачулі? “Асобы з гомасэксуальнай арыентацыяй маюць права быць у сям’і; яны дзеці Божыя і маюць права на сям’ю. Нікога нельга выкінуць з сям’і, і учыніць, каб з гэтай прычыны, яго жыццё было немагчымым. Тое што мы павінны стварыць, гэта права да супольнага жыцця. Яны маюць права на тое, каб мець прававую абарону". У выніку СМІ навіне дало загаловак “Папа Францішак заклікае ўзаконіць аднаполыя сужэнскія саюзы", а ў некаторых выпадках прагучала “Папа адобрыў аднаполыя сужэнскія саюзы".... Абсалютна згодзен, словы Папы не ёсць адназначныя. Кожны з нас іх можа зразумець так, як яму захочыцца і зразуменне будзе дыяметральна адрознівацца. Але ў двухсэнсоўнасці слоў, што гучаць у фільме, вінаваты не Папа, а той, хто сабраўшы словы да кучы, меў жаданне стварыць сэнсацыю і прыцягнуць увагу сусветнай супольнасці. Але згадзіцеся, нават гэтыя словы з фільма падвергліся чарговаму перакручванню журналістаў, якія сказалі, што Папа легалізаваў гомасэксуальныя саюзы. Так што скандал адбыўся, але не Папа стаў аснованараджаючым імпульсам скандалу. У тым самым інтэрв’ю, на якім базуецца фільм, пра аднаполыя сужанствы Папа выказваецца, як пра “недарэчнасць”. Але пра гэта сенсацыйныя навіны маўчаць, бо гэтым нікога не здзівіш, што ж тут цікавага, так жа было заўсёды. (а вось тут 👍👍👍 сапраўдная сэнсацыя для некаторых Беларусаў ад Папы https://youtu.be/AvkFNp0CePw Энцыкліка #FratelliTutti – пасланне Папы Беларусі. Папа за разбурэнне муроў. 😉) ... Другое пытанне можа быць і такое. Так а што ж Касцёл усё ж думае пра гомасэксуальныя сужэнствы? На гэтае пытанне можна адказаць адназначна. У сувязі з тым, што навучанне Касцёла абапіраецца на Бібліі і хрысціянскай Традыцыі, то яго змест пазастаецца ўвесь час нязменным і грунтуецца на словах кнігі Быцця: “...пакіне чалавек бацьку свайго і маці сваю і прылепіцца да жонкі сваёй; і будуць двое адным целам” (Быц 2,24). Бог сцвярджае , што сужанства – гэта саюз мужчыны і жанчыны, аб гэтым кажа Ккатэхізіс Каталіцкага Касцёла (ККК 1601). Альтэрнатыўнага тлумачэння сужанства Касцёл не мае. І нават Папа не ёсць у сіле гэтае навучанне памяняць. Бо Папа не ад таго, каб сачыняць дактрыну для католікаў, але каб верна пераказваць тое, што ў Бібліі напісана. ... Яшчэ адно пытанне, а як Касцёл адносіцца да людзей з гомасэксуальнай арыентацыяй? Касцёл да ўсіх людзей, незалежна ад іх поглядаў, як палітычных так рэлігійных, а, тым больш сэксуальнай арыентацыі, адносіцца з аднолькавай павагай. Катэхізіс Каталіцкага Касцёла (ККК 2358) таксама заклікае усіх, да людзей схільных да гомасэксуалізму адносіцца “з павагай, спачуваннем і тактычнасцю". Касцёл разрознівае чалавека ад яго дзеянняў. Таму да чалавека ставіцца з любоўю і павагай, што не перашкаджае Касцёлу даваць маральную ацэнку людзкім учынкам. І таму зноў ж такі, абапіраючыся на Бібліі, гомасэксуальныя акты лічыць “беззаконнымі” (ККК 2357). ... Асабіста мяне ва ўсёй гэтай гісторыі здзівіла тое, што на сенсацыю і, так названае, скандальнае выказванне Папы пакаяліся некаторыя святары і мясцовыя каталіцкія багасловы з навуковымі ступенямі. Выказвалі сваё абурэнне і шкадаванне Папы. А вось узглянуць на сітуацыю больш крытычна і з дыстанцыяй не змаглі. Бо заўважце, Папа, калі не навучае афіцыйна, таксама мае права памыліцца і быць недакладным у выказваннях, тым больш, праз інтэрв’ю і фільмы, нават Папа не ёсць у стане змяніць афіцыйнае навучанне Касцёла. Сябры, чытайце Біблію і Катэхізіс і будзеце вы мудрымі, як Папа. Але, мушу Вас расчараваць, сенсацый у вашым жыцці стане значна менш. 👍Абавязкова паглядзі відэа https://youtu.be/XjHeMes08dA(👍Абавязкова паглядзі відэа https://youtu.be/XjHeMes08dA Толькі цэзарава - цэзару, а ўсё Божае - Богу. І ніяк не наадварот.)