Дзякуючы навіне аб прызначэнні ў беларускім Касцёле новага мітрапаліта, католікі ізноў прыцягнулі да сябе ўвагу грамадства. Прагучала шмат каментароў і немала прагнозаў адносна ролі касцёла ў Беларусі. У іх, як правіла, новапрызгачанага мітрапаліта называлі "кіраўніком касцёла". А гэта не цалкам карэктна. І вядома, не толькі таму, што кіраўніком Касцёла быў і ёсць Хрыстос, але да таго ж, што мітраполія касцёла у Беларусі складаецца з чатырох асобных дыяцэзій, а кожная з іх мае свайго самастойнага біскупа, які беспасрэдна падпарадкоўваецца толькі папу рымскаму. Інакш кажучы, мітрапаліт не мае ніякой кіруючай улады ў трох іншых дыяцэзіях, апроч сваёй архідыяцэзіі Мінска-Магілёўскай. Гэта думка адпавядае канону 436 з ККП Кодэкс Кананічнага Права - прапісанае заканадаўства Касцёла. Гаворачы простай мовай, улада мітрапаліта ў адносінах да іншых біскупаў і дыяцэзій ёсць толькі такая: - калі біскуп знікні больш, чым на поўгады з дыяцэзіі, то ён мае права павядоміць аб гэтым Ватыкан; - калі ў нейкай дыяцэзіі неправільна будуць пераказваць сэнс Евангелля, то таксама мае абавязак інфармаваць Ватыкан; - калі Ватыкан накажа, то мае права візітаваць (праверыць) дыяцэзію; - калі ў надзвычайных выпадках месца біскупа стане свабодным, то мае абавязак дапамагчы ў часовым вырашэнні гэтага пытання; - мае права ініцыяваць сабранне сіноду - агульнага сабрання усіх прадстаўнікоў з усіх дыяцэзій касцёла. 💢https://youtu.be/SUvgFpPNucE тут...💢 "Каму хочаце служыць?" - пытанне актульнае для кожнага беларуса. | #протесты #проповедь💢 Безумоўна, большасць грамадства хацела б пачуць адказ на пытанне, так хто ж найважнейшы на сёння ў Касцёле беларускім? Калі мітрапаліт не мае ўлады над іншымі біскупамі, то можа ў такім выпадку ёсць важнейшы Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч? Важныя і той і той, з тым, канешне, можна меркаваць, што ў кантактах з дзяржавай рэпрэзэнтантам Касцёла хутчэй будзе Старшыня Канферэнцыі Каталіцкіх Біскупаў Беларусі. Бо ККП не надае такога паўнамоцтва мітрапаліту. Даючы каментары і робячы прагнозы адносна новага мітрапаліта, у прынцыпе можна сказаць, што нічога не паменялася. Біскуп Юзэф Станеўскі не ёсць нейкім пасланым новым цудам ад Бога і не ёсць незнаным у беларускім Касцёле. Ён служыць біскупам ужо сем гадоў. Думаю пры назначэнні новага мітрапаліта больш важна ўзгадаць пра галоўныя праблемы Рыма-каталіцкага Касцёла ў Беларусі з якімі прыдзецца змерыцца іерарху на новай пасадзе. Сярод іх асноўнай, напэўна, ёсць адсутнасць распрацаванай стратэгіі развіцця - а вынікае гэта з недахопу зразумення самых сябе ў свеце. У гэтым годзе Касцёл адзначае юбілей 30цігоддзя аднаўлення структур. 30 год таму мы, вернікі, вышлі з савецкіх катакомбаў, але смутна, што так і не можам, падаецца, зразумець куды нам трэба ісці і што рабіць. Памятаю, ў снежні 2018г. у фэйсбуку я пытаўся аб тым, якая галоўная праблема РКЦ у Беларусі? Пад пастом спбралася больш 200 каментароў. Іх аўтары называлі розныя праблемы: гэта і слабая пазіцыя Касцёла ў адстойванні сваіх інтарэсаў, і тое, што большасць беларускіх католікаў амаль не верыць у Бога. Грошы, або ненапрацаванне навыку правільна іх лічыць таксама прыгадваліся. Праблему бачылі і ў польскіх святарах (чытай як абмежаванне правоў беларускамоўных католікаў у некаторых рэгіёнах Беларусі) і ў праваслаўнай царкве, маўляў, мы ж канкурэнты. У якасці праблемы называлі слабую падрыхтоўку святароў; камусьці на Імшы гітара перашкаджала. Знайшліся і такія вернікі, якія праблем у беларускім Касцёле не бачылі, лічылі, што ў ім усё добра, або цвердзілі, што гэта не павінна абмяркоўвацца на фэйсбуку. Але ж адсутнасць у мясцовага Касцёла візіі, як радзіць з усімі агучанымі праблемамі, гэта, падаецца, асноўная праблема… а тут... 💢https://youtu.be/jg7gyU0WAQM 💢 У рэжыма і Касцёла розная "сацыяльная філасофія".| #Субсидиарность, #зачистка_гражданского_ общества💢 Асабіста мне, падаецца, за 30 год легальнага існавання, Касцёл мог бы з большай адказнасцю падыйсці да гэтых пытанняў. І калі не павырашаць праблемы, то хаця б ясна сфармуляваць пытанні, што мы можам з гэтым зрабіць. А так у выніку атрымоўваецца, Касцёл упэўнена стаіць на пазіцыях "про лайф"- за жыццё, але таго запалу хапае толькі на абарону права да нараджэння, але ў абароне далейшага права на жыццё і правоў чалавека Касцёла чамусьці не хапае. Вось на такім фоне і адбываецца прызначэнне новага мітрапаліта, які будучы адным з першых выпускнікоў першай каталіцкай ВДС у Беларусі, і быў часткай гэтага фону. Так хто ж галоўны ў беларускім касцёле? Хто важнейшы? Важнейшы будзе той, хто возьмецца за вырашэнне ўсіх агучаных праблемаў. А галоўны будзе той, хто будзе ў стане сказаць "non possumus" - не можам. І гэтым будзе адкідваць усе прапановы ўлады, калі яны не будуць служыць для агульнага дабра Беларусі. І пакуль месца сярод галоўных і важнейшых вакантнае і кожны можа сябе праявіць ды задаць тон і касцёлу і ўсяму грамадству. Пакуль канкурэнцыя незавысокая @belsat_news