1 лістапада. Урачыстасць Усіх Святых. У сваё прамове (Мц 5, 1-12а) Хрыстос заклікае да святасці. Так хто ж такі святы? Святы - гэта не той, хто ў сваім жыцці наўмысна шукае крыж. Але толькі той, хто, шукаючы "зямлю, дзе цячэ малако і мёд" (Дрг 6,4) як уласнага шчасця, верыць, што знайсці яе можна выключна будучы паслухмяным свайму сумленню, як голасу Госпада. І калі ж святы на гэтым шляху сустрэне крыж, то яго не пераступіць, як і не збочыць з дарогі, не адкіне ў бок, але возьме яго на плечы і панясе. Святы - гэта не той, хто баіцца зрабіць не так, але баіцца зрабіць так мала дабра. Святы - гэта не той, хто ў вачах іншых ніколі не будзе ўспрымацца, як вораг, але толькі той, хто сам ніколі не меў ворагаў. А пра чужую варожасць не ўзгадае, як пачуе просьбу аб дапамозе. Святы - гэта не той, хто безупынна  моліцца, моліцца, моліцца … А на малітве гаворыць Богу нібы Яго павучаючы, як і што Ён мае зрабіць у жыцці, але толькі той, хто на малітве слухае і даверліва кажа "будзь воля Твая", а сам чым бы не займаўся, заўсёды пачуе голас Госпада і неадкладна зробіць тое, што скажа зрабіць Гасподзь. Святы - гэта не той, хто заўжды ўсмехаецца, але толькі той, калі нават плача, не губляе ўнутраную радасць, бо верыць, што ўсё раней ці пазней скончыцца. І будзе вечная радасць і шчасце ў Валадарстве вечнага жыцця.  А таму, як нагадвае Апостал Пётр Словы Госпада са Старога Запавету: "Напісана: будзьце святыя, бо і Я святы" (1 Петра 1:16). 💢💢💢 https://youtu.be/N_WZp33XvDE 💢💢💢 Рэпрэсіі і тэрор у Беларусі - чаму паўтарыліся? | #коммунизм = #терроризм? #дзяды #дзень_памерлых @catholicby @EuroradioLive