Беларускі талібан. 15 жніўня 2021г. ісламісцкі рух Талібан  заняў сталіцу Афганістана Кабул, ўсталяваў сваю ўладу па ўсёй краіне ды паабяцаў абвесціць стварэнне ісламскага эмірата. Гэта значыць, што жыць цяпер будуць па-законах шарыята. Атрымалася, што тэрарыстычная арганізацыя, акурат так яе ўспрымае ААН, якая налічвае сёння каля 150 тыс чальцоў, падпарадкавала сабе краіну з насельніцтвам каля 38 млн чалавек. Талібан заяўляе пра завяршэнне грамадзянскай вайны, якая можна казаць, цягнулся з моманту ўвядзення ў краіну савецкіх войскаў ў 1979 г.  Дарэчы, праз гэту незразумелую вайну прайшло ла каля 30 тыс салдатаў-беларусаў і, нажаль, 770 з іх вярнуліся дамоў пад кодавым назвам "#груз200 ". Ведаеце, для мяне ёсць дзіўным, што ў Афганістане шматгадовае завяршэнне супрацьстаяння паміж рознымі сіламі атрымалася такім. І, безумоўна, ёсць пытанне, чаму Афганцы згадзілія на такі фінал? Гэта пасля сарака гадоў, можна казаць, беспрырыўнай грамадзянскай вайны, пасля такога працяглага супрацьстаяння і змагання паміж рознымі опцыямі на будучыню краіны, перамога дабра не атрымалася. Досвед Афганістана паказаў, што ў супрацьстаянні паміж дабром і злом, дабро не заўсёды перамагае адразу. Ісламскі эмірат, што жадае ўтварыць Талібан, напэўна гэта не тое аб чым марыла ўся краіна. Навіны з Кабула, якія ў апошнія дні інфармавалі свет аб ўцекачах, якія спрабавалі пакінуць краіну на крылах самалётаў, бо ім не хапала месца ўнутры, сведчуць аб каласальна узросшай колькасці расчараваных эмігрантаў.  Жыхары краіны ўцекаюць ад улады талібаў. Наогул, пачынаючы ад савецкай вайны, Афганістан налічвае каля 7 млн мігрантаў, якія пакінулі краіну, актуальна, па падліках ААН, іх каля 3.5 млн. Чаму адбылося так, што ўладу занялі талібы? Можа і таму, што афганскія больш міралюбівыя сілы не былі гатовыя змагацца за сваю краіну. Спадзяваліся выключна на знешнію дапамогу іншых. Хтосьці можа на савецкую, хтосьці на амерыканскую. Разважаючы пра афганскі талібан, не магу не правесці паралелі з Беларуссю. Калі браць матэрыяльны бок, то Беларусь сёння ад Афганістана адрозніваецца тым, што апошні ёсць адной з найбяднейшых сярод двух соцен краінаў свету, а мы становімся адной з бяднейшых краінаў Еўропы. Падабенства ж ёсць у тым, што на фоне збяднення асноўнай часткі грамадства, ў нас усталяваўся і замацаваўся рэжым, які сёння адмаўляецца жыць па Канстытуцыі і законах Рэспублікі Беларусь і праяўляе тэрарыстычныя схільнасці. Змяніць жа яго дэмакратычным шляхам не прадставілася магчымым пад-час апошніх выбараў у 2020 г. І гэта не таму, што народ не хацеў, але таму, што ўсталяваны рэжым, абапіраючыся на ўзброеных сілавіках, не пажадаў слухаць голас народу. Усё як у Афганістане. Сярэднестатыстычная духоўнасць грамадства такая, што дазваляе яе асноўнай масе талераваць 35тыс затрыманняў сілавікамі за апошні год невінаватых людзей. Бачыце, у мінулым, праз 9 год пекла афгана прайшло 30 тыс беларусаў, а тут ўжо за адзін год аж 35 тыс. І паверце, душэўныя раны, атрыманыя ад цяперашняга пекла, будуць не менш доўга крывавіць, чым ад мінулага. Талібан выкарыстоўвае тэрарызм як асноўны метад дзеянняў у дасягненні сваіх мэтаў, беларускі рэжым дзейнічае сёння падобна. Самалёт з Пратасевічам і міграцыйная вайна неаспрэчныя доказы таму. Чаму такое стала магчымым у Беларусі? Адказ просты. Таму што ідэалогія дзяржаўная прасякнутая "духам камунізма". А вядома, камунізм можа трансфарміравацца толькі ў тэрарызм -  аб гэтым казаў яшчэ папа Пій ХІ ў Энцыкліцы Divini Redemptoris, 23. (1937г.). Паралелі ж паміж той ідэалогіяй і сучаснай відавочныя. Вось і ўтвараецца ў некаторай частцы грамадства ментальнасць "беларускага талібану". Вось толькі паслухайце некаторыя каментары з тэлеграм-чату СЛАВАБОГУЗАБАТЬКУ пра "Талібан". «Не знаю, как вам, а мне как-то радостно, что все эти крысы убежали и установлен мусульманский закон вместо западной вседозволенности, которая ведет в никуда. Дай Бог мира и процветания Афганистану!» Ці вось яшчэ... «Идет очищение (покаяние) от всего мерзкого, греховного и отвратного. С «женщинами» это включая, конечно, полуобнаженных, пошлых и прочих и все, что мы знаем от западного мира – все их беззаконные дела по ТВ, интернету и т.д. – все это они уничтожают, согласно своей религии, чтобы жить так как им она велит, а не призрачная свобода запада, которая, в конечном итоге выливается в хаос, которая есть прямая дорога в АД». Нібыта беларусы апраўдваюць тэрор, экстрэмізм, абмежаванне правоў жанчыны, прыкрываючыся ілюзорнай абаронай маралі. А самае галоўнае гэты чат нашыя праваахоўчыя органы не заўважаюць і экстрэмісцкім, канешне, не прызнаюць. Што гэта, як не зялёнае святло на развіццё ідэй тэрарызму і "беларускага талібану" у нашым грамадстве. Аднак, мы, хрысціяне, павінны памятаць, што тэрарызм, як кажа Катэхізіс Каталіцкага Касцёла, “...падвяргае пагрозам, раніць і забівае ўсіх без разбору; ён глыбока супярэчыць справядлівасці і любові.”  (ККК 2297). А таму гэты шлях, у вытоках якога ёсць беззаконне, вядзе ў нікуды.