"Кожны, хто ўзвышае сябе, будзе паніжаны, а хто паніжае сябе, узвысіцца." (Лк 14…) Можна сказаць, што гэтыя словы Ісуса гучаць у працяг думкі з мінулай нядзелі. Тады разважалі пра магчымасць асягнуць поспех прайшоўшы шлях ад жыццёвага дна да вяршыняў. Глядзі відэа 👍Чырвоны ходнік, поспех і вузкая брама.👍 https://youtu.be/-R4M8TQsEBU 👍 Словы Хрыста ўзятыя з прытчы пра вяселле і запрошаных на яго гасцей, якія выбіралі сабе месца пры святочным стале. Можна лічыць, што парада Ісуса, як дабрацца да вяршыняў, вартая веры. Бо Ён сам на ўласным прыкладзе паказаў, як прайсці дарогу ад прыніжэння крыжа да славы ўваскрашэння. А таму гэта нетолькі прыгожыя словы… Як аргумент на тое маем прыклады з Пісання . Першым з людзей у жыцці каторых гэты прынцып спрацаваў і які мне прыйшоў у галаву, біблейскі герой - праведны Ёў. Ёў пад-час выпрабаванняў сваёй веры згубіў усё. І сям'ю, і матэрыяльны дабрабыт і сам гніў зажыва... Але звярну ўвагу, як з такога прыніжэння вывеў яго Госпад. "І дабраславіў Бог апошнія дні Ёва болей, чым ранейшыя: у яго было чатырнаццаць тысяч дробнага быдла, шэсць тысяч вярблюдаў, тысяча пар валоў і тысяча асліц. І было ў яго сем сыноў і тры дачкі. І ня было на цэлай зямлі такіх прыгожых жанчын, як Ёвавы дочкі, і даў ім бацька іхні спадчыну паміж братамі іхнімі. Пасьля таго Ёў жыў сто сорак гадоў, і бачыў сыноў сваіх і сыноў сыноўніх да чацьвёртага роду. І памёр Ёў у старасці насычаны днямі." (Ёва 42 раздзел, 12-17) Наступны прыклад. Юзэф адзін з дванаццаці сыноў Якуба. Ён быў прададзены ў Егіпецкае рабства цярпеў пераслед, а потым стаў намеснікам фараона. Аднак, Госпад дзейнічае не толькі ў жыцці біблейскіх персанажаў, але і ў гісторы іншых таксама. Асмелюся ўзгадаць Нэльсана Мандэла. Афрыканскі грамадска-палітычны дзеяч змагар супраць апартэіду ды змагар за правы чалавека. Так вось, ён сядзеў у турме 27 гадоў. А потым стаў прэзідэнтам ПАР. Ці гэта не цуд? Цуд. І гэта ізноў аргумент на тое, як працуе правіла: "хто паніжае сябе, ўзвысіцца". Госпад дзейнічае так як хоча. Гэтыя прыклады біблейскіх герояў як і палітычнага дзеяча паказваюць, што для Госпада няма нічога немагчымага і Ён здольны дзейнічаць у жыцці любога чалавека. Галоўнае вераць і пазаставацца верным сваім ідэалам. А калі нашым ідэалам ёсць Хрыстос, так тым больш няма чаго перажываць…. Хрыстос не падмане. І сённяшняе прыніжэнне, у любы момант можа змяніцца на ўзвышэнне. #христиане #божьеслово #библия @catholicby