Гарадоцкі пракурор выдаў дзве санкцыі на дагляд усіх памяшканняў дзе я жыву, працую і малюся. Былі яны падпісаныя 1 ліпеня 2021г. І, адпаведна, у рамках адмінстратыўнага працэсу 24.23 ,які вядзецца супраць мяне Расонскім РАУС, у асобе маёра Перапечкіна, у нядзелю 4.07.2021 г. у прысутнасці панятых, прадстаўнікі ўлады мелі намер прыйсці і ў касцёл, і ў парафіяльны дом, і ў маё жыллё, каб зрабіць агляд і разабраць усю тэхніку ў выглядзе кампутараў і тэлефонаў. (✌Місія прарока і папярэджанне ад пракурора. | #священникпреступник? #Беларусь #костёл✌ глядзі відэа https://youtu.be/tuQpGAKqv0E)🔥 Яны намер мелі, планавалі абрабаваць мяне і касцёл. Але Бог меў свой план. Я, сапраўды, не меў ніякага жадання аддаваць сваю маёмасць і маёмасць парафіі. Прымусовае пазбаўленне гэтай тэхнікі на невызначаны час, на перыяд выканання надуманых экспертыз, для мяне было б свайго роду сацыяльнай смерцю. Гэтым бы мяне пазбавілі кантактаў з людзьмі, інфармацыяй з усіх банкаўскіх рахункаў, нататкаў і напісаных праграмаў дзеянняў на бліжэйшы час, урэшце пазбавілі б магчымасці прапаведваць 9 тысячам падпісчыкаў на маім ютуб-канале. Але ж гэта і была іх мэта - “заткнуць рот" прапаведніку. І так бы адбылося, але ж Бог не даў магчымасці пракурору напісаць правільны адрас каталіцкана храма і парафіяльнага памяшкання, што ў выніку і выратавала сітуацыю. А нюанс к тым, што храм і дом - шэта 2 розныя памяшканні з двума рознымі адрасамі ў Расонах: вул. Садовая 19/1 і вул.Садовая 19/2. Пракурор жа, напісаў вул.Садовая 19. А таму і я, паказаўшы ўсім пасведчанні аб рэгістрацыі будынкаў, сказаў, што прышлі не па адрасу і нікога ў будынак не пусціў, а прапанаваў пайсці туды, куды іх паслаў сам пракурор. Калі хтосьці спрабаваў казаць, што гэта і ёсць той будынак, я адказаў, каб не рабілі з пракурора дурня, бо ён лепш ведаў куды вас паслаць. У выніку, Бог бярог маёмасць, а я паклапаціўся пра тое, каб яна і надалей пазасталася ва ўласьнікаў і выправіўся ў камандзіроўку ў Польшчу, каб займацца пастырскай дзейнасцю і, не спыняючы дзейнасць канала, далей прапаведваць.   @belsat_life Выезджаючы з Беларусі ўзгадваў прарока Іллю, які бег ад бязбожнага цара Ахава. Тады ў краіне з царом пазасталіся толькі ілжэпрарокі. Але ўсіх іх лёс быў марны. Страшны голад які прышоў на зямлю, пасля дадаў розуму і народу і цару. А Ілля вярнуўся, як бы ў на гэта час. (3 Цар 19) А больш у відэа.