"Калі мы любім адзін аднаго, то Бог жыве ў нас, і любоў Ягоная ў нас дасканалая." (1 Ян 4,12). Гэтыя і ўсе іншыя словы з Бібліі пераконваюць нас у тым, што хрысціянства гэта заўсёды пра любоў. А любоў можа быць толькі там дзе ёсць свабода.  Не можна любіць з прымусу або з выгады. Любоў за грошы каханнем не назавеш. Нельга спадзявацца на любоў паміж ахвярай і насільнікам, паміж рабом і яго прыгнятальнікам. Любіць можа толькі вольны чалавек. Хтосьці з каментатараў майго ютуб-канал пісаў "цікава чаму няма каментара ад айца наконт забойства грамадзяніна ва ўласнай кватэры…?" 💢https://youtu.be/oAafafk6Pww💢 Адкуль у Беларусі вайна?| #стакгольмский_синдром #священник💢 Лічу, каментар павінен прагучаць бо падзея сапраўды знакавая і рэзанансная.  З афіцыйных паведамленняў і з таго, што нам як інфармацыю спрабуюць навязаць у змантаваным сілавікамі відэа вынікае, што 28 верасня 2021 года у адну з Мінскіх кватэр уламіліся сілавікі, а яе жыхар Андрэй Зэльцэр, думаючы, што перад ім бандыты, ўзброены ў паляўніўчую стрэльбу, як сапраўдны мужчына, бараніў сваё жыллё. Пад-час узнікшай страляніны, як высвятлілася пазней, загінуў супрацоўнік КГБ, да таго ж павядамляецца пра нібыта застрэлянага гаспадара, але яго цела чамусьці не паказваюць. Я не буду казаць пра цэлы шэраг  парушэнняў, якія зрабілі супрацоўнікі сілавых структур пад-час інцындэнту і нестыковак у пазнейшых заяўленнях розных прадстаўнікоў улады. У інтэрнэце можна ўжо знайсці шмат кампетэнтных каментароў на гэты конт. Канешне, я не згаджуся і з тым, што гаспадар кватэры меў цэль кагосьці забіць. Пакуль, з таго што агульна вядома, ўсе абвінавачванні ў бок, нібы загінуўшага ў той кватэры, Андрэя Зэльцэра гучаць абсалютна безпадстаўна. Вінаватым у смерці служачага КГБ ёсць рэжым, за смерць салдата ў мірны час адказваюць генералы. Я хачу звярнуць увагу на маральны аспект здарэння. Хачу падкрэсліць маштаб трагедыі, які, праз прызму адбыўшагася інцыдэнта, становіцца лепш бачным. І гэтага мы не можам не заўважаць, бо праблема тычыцца ўсёй Беларусі.  Нам за нашыя грошы - бо дзяржава рэкламавала відэа здарэння на ютубе -  рэжым паказвае, як  Беларус забівае беларуса і, заўважце, як бы мы не былі шакаваныя трагедыяй, у большасці з нас трансляцыя забойства амаль у прамым эфіры перастае выклікаць здзіўленне - мы ўжо прызвычаіліся да праліцця крыві! І гэта адсланяе ўсю бесчалавечнасць грамадскага ладу, што будуе палітычная ўлада. Фальсіфікацыі выбараў, хлусня і насілле нашаму грамадству нанесла вялікую рану. І гэта  рана крываточыць крывёю перыядычных ахвяраў беларусаў. А імі, як бачым, становяцца не толькі "змагары" або безудзельныя, але і прыслужнікі рэжыму.  Апакаліптычны звер, якім уяўляецца рэжым беззаконнай палітычнай улады, як бачым, не шкадуе нікога.  І ў гэты момант, калі з’явілася відавочная "сакральная" ахвяра з боку абслугоўваючых беззаконную ўладу, насоўваецца выснова, што мы ўсе беларусы, не залежна ад нашых поглядаў, а нават ад адсутнасці такіх, з’яўляемся закладнікамі краважэрнага рэжыму.  Сёння грамадства знаходзіцца на тым узроўні крызіса, калі пазастаецца апошні шанец, каб узгадаць, што мы ўсе грамадзяне Беларусі, з’яўляемся дзяцьмі адной краіны. Гэта Бог выбраў для усіх нас нашу зямлю, каб мы маглі жыць на ёй разам у міры, згодзе і еднасці.  Хрыстос не саромеецца назваць нас братамі (Гбр 2, 11), не пасаромемся ж і мы, беларусы, прагадаць што мы браты ўсе.   Добра вядомыя словы Хрыста: "Што Бог злучыў, чалавек няхай не разлучае",  мы прызвачаіліся тлумачыць у кантэксце сужэнскага жыцця, і не дзіўна, бо традыцыйна яны гучаць пад-час вянчання і блаславенства маладых, якія рашаюцца на супольнае жыццё. Але ж гэтыя словы я асмелюся застасаваць у заахвочванні пераадолення крызісу ў Беларусі!  Яшчэ сёння ўсім прыслужнікам рэжыму і кожнаму з нас ёсць магчымасць дайсці да зразумення: беларусам яднацца трэба не вакол сумніўнай даты з ідэалагічнай афарбоўкай з мінулага. Яднацца трэба не вакол нейкай ідэалогіі і, тым больш, не каля ўмоўнага лідара. Яднацца трэба вакол Бога. Гэта значыць вакол праўды і справядлівасці.  Узгадайце Рымскую імперыю: яе спрабавалі аб’яднаць на сіле легіёнаў -  імперыя развалілася.  💢https://youtu.be/U3psf-2R8fQ💢 Тэлевядоўца ВітаўтСіўчык і #ксёндз Барок. | Про #христианство #костёл и #экстремизм💢 Сёння, колькі б не спрабавалі Беларусь яднаць на гвалце, рэпрэсіях і выцісканні з краіны ўсіх незадаволеных, гэта нічога не дасць. Яднаць краіну трэба ў духу братэрства і любві. І таму рэжым мае абавязак вярнуць свабоду грамадству, а грамадства - свабоду здабыць. Бо як казаў святы Ян Павел ІІ беларусам: "Свабода не даецца, свабода здабываецца". А каб здабыць свабоду, трэба шукаць не ворага ў браце сваім, каб забіць яго, але кожнаму з нас найперш трэба забіць раба ўнутры самога сябе.  @belsat_news @osbbypol