Вам, Генеральная пракуратура, і кожнаму пракурору па-асобку, я, святар каталіцкага Касцёла Вячаслаў Барок, выношу папярэджанне! Генеральная пракуратура, Вы 18 лістапада 2020 г. вынеслі афіцыйнае папапярэджанне каталіцкаму бп. Юрыю Касабуцкаму і праваслаўнаму святару Сергію Лепіну. Ці не падаецца Вам, што Вы перакрочылі сваёй кампетэнцыі? Ці не забыліся Вы, што Вашае заданне гэта здзяйсненне нагляду над выкананнем законаў (lex) і Вашая асноўная задача - забяспячэнне вяршэнства права (ius). І спакон вякоў вядома: Ius enim est quo iustum est - закон ёсць сапраўды законам, калі ён адпавядае справядлівасці. Так навучаў святы біскуп Аўгустын. Ці не забыліся Вы, што Закон (ius) і справядлівасць (iustitia) маюць перавагу над законамі, нарматыўнымі актамі (lex). Крыніцай законаў, якімі кіруецеся Вы , ёсць дзяржаўная ўлада, што павінна адпавядаць волі народа. Крыніцай Законаў, якімі кіруецца хрысціянін і Касцёл - ёсць воля Бога, агучаная ў Бібліі, адносна чалавека. Так ці не ведаеце Вы, што кожны хрысціянін, мае права ад Бога не выконваць таго, што супярэчыць дзяржаўным законам. І наадварот: каб законы, якімі Вы кіруецеся, былі правамоцнымі, Вам трэба аглядацца на маральныя імператывы. У нас жа, мала таго што забыліся, аб тым, што воля Бога ды маральныя прынцыпы вінны мець вяршэнства ў сыстэме правасуддзя, так яшчэ і парушылі прынцып, што дзяржаўная ўлада павінна абапірацца на волі большасці, а не на нейкай сумніўнай групцы людзей. 👍https://youtu.be/XjHeMes08dA👍 Толькі цэзарава - цэзару, а ўсё Божае - Богу. І ніяк не наадварот.👍 Я нагадаю Вам словы Божыя. Прарок Ісая піша: „Гора тым, якія ставяць несправядлівыя законы і пішуць жорсткія пастановы, каб адхіліць бедных ад правасудздзя і пазбавіць правоў маламоцных з народу Майго, каб удоваў зрабіць здабычаю сваёю і абрабаваць сіротаў. (Іс 10, 1-2). Ці не заўважаеце Вы, што тое, аб чым казаў іншы прарок Іерамія, паўтарылася і з спосабам функцыянавання нашага дзяржаўнага правасуддзя: „Як вы кажаце: мы мудрыя, і закон Гасподні ў нас? А вось, ілжывая трысьціна кніжнікаў і яго ператварае ў хлусьню” (Ер 8,8) А таму, Вы Генеральная пракуратура і кожны пракурор па-асобку, якія не бачыце парушэнняў закону і справядлівасці ў 30 тыс затрыманых, у тысячах пакалечаных і збітых, у 6 забітых і невядома колькі зніклых за некалькі апошніх месяцаў, але выносіце папапярэджанне духоўным асобам, якія зло назвалі злом, заклікалі да правасуддзя, малітвы і пакаяння, за Вашую нібыта дзейнасць і бяздзейнасць, Вы самі атрымоўваеце папярэджанне ад святара! Пратрыце вочы і ўбачце! Пачніце рабіць тое, што ёсць Вашым заданнем і займіцеся выкананнем тых задач, якія маеце. Напэўна хацелі б спытацца, якім правам я гэта раблю? Такой уладай і правам, якой са мной, як і з кожным святаром, падзяліўся мой біскуп, які знаходзіцца ў еднасці з „найлепшым папам", папам Францішкам, а ён тую ўладу атрымаў ад Хрыста. Сын Божы, які мае ўсялякую ўладу (Мц 28,18), даў яе сваім апосталам, абяцаючы ім „ і сядзеце судзіць дванаццаць пакаленняў Ізраілевых" (Лк 22,30). ⚪🔴⚪ https://youtu.be/CajfYcdOQzg паглядзі таксама зварот да Папы. Папа, як спыніць вайну? Papa, how do you see your role when talking about Belarus? (RUS DE, ENG, PL)