Ці зробіць Ілан Маск цуд, якога не зрабіў нават Ісус Хрыстос? "Езус сказаў ім: Сапраўды кажу вам, што гэтая бедная ўдава ўкінула больш за ўсіх, хто кідаў у скарбонку." (Мк 12, 44) Найбяднейшы чалавек стаў найбольшым ахвярадаўцам. Канешне, гэта пытанне, ці можна назваць бедную ўдаву таксама найбольшым філантропам. Бо, як для Бога яна зрабіла шмат, але ж ці гэта значыць, што і для чалавека таксама.  Падаецца, так. Бо, напрыклад, іншая біблейская ўдава з Сарэпты, якая, аддаючы апошняе, ўратавала ад голаду прарока Іллю (1 Вал 17, 10–16), акурат зрабіла шмат для чалавека і, тым самым, знайшла прызнанне перад Госпадам.  Шмат хто з людзей з добрым сэрцам марыць аб тым, як бы яны змянілі і палепшылі свет, каб мелі на тое незямное багацце. Пры гэтым мяркуюць, што пры цяперашніх абставінах з невялікім дастаткам, ахвярадаўцамі ды філантропамі яны не могуць быць. Так ці можа кожны з нас стаць найбольшым філантропам свету? Давайце паразважаем. 💢Хто можа стаць святым? | #беларусь 💢 https://youtu.be/Rn3Z0X4EJD4💢 Па розных падліках сёння ў свеце галадае каля 700 млн жыхароў планеты. Ці можам сказаць, што, калі галадае каля 9% чалавецтва, адбываецца гэта таму, што ў свеце насамрэч не хапае хлеба. Падаецца, абсалютна не. Прычына іншая. Напэўна адна з іх, гэта сам чалавек, які, клапоцячыся выключна пра свае патрэбы, забываецца пра патрэбы іншага.  Ілан Маск, найбагацейшы чалавек планеты, нядаўна прапанаваў рашыць праблему голаду і на гэта гатовы выдаткаваць 6 млрд даляраў, калі хтосьці скажа, як канчаткова можна развітацца з голадам.  Безумоўна, можна падумаць, што добра быць такім багачом, мець маёмасць у 300 млрд - гэта столькі, колькі ўся Беларусь зарабіла за апошнія 5 гадоў, бо сумарны ВУП за гэты перыяд раўназначны агучанай лічбе.  З такімі грашамі можна рабіць цуды.  Але ж я хоць і вітаю ахвярнасць Ілана, разам з тым, вельмі скептычна адношуся да меркавання, што пры дапамозе такіх данатаў можна паставіць кропку ў праблеме голаду. Без іх не магчыма канешне, але і толькі іх недастаткова.  Праблема голаду важная. Евангельская гісторыя не раз нагадвае аб тым, як Хрыстос заўважаў людзей, якія не мелі чаго есці. У выніку заўсёды здарэнні завершаліся цудадзейным размнажэннем хлеба. Але ж хоць Сын Божы і меў магчымасць раз і назаўсёды вырашыць праблему голада ў свеце, аднак, гэтага не зрабіў. І зусім не таму што не мог, але толькі таму, што гэта не адпавядала б спрадвечнаму плану стварэння свету.  Голад - праблема якую можа вырашыць чалавек. Ці атрымаецца гэта ў Ілана - пытанне. На яго я не маю адказу. Але перакананы, для таго каб пакончыць з голадам, дастаткова каб кожны з нас праявіў дух братэрства і ахвярнасці.  А таму, нават не трэба быць Іланам, каб унесці свой і адначасова найбольшы уклад у барацьбе з голадам. Ахвярнасць удавы са святыні і ўдавы з Сарэпты наглядна паказвае, як гэта зрабіць. А Хрыстос, які "увайшоў ў неба, каб цяпер заступіцца за нас перад абліччам Бога" (Гбр 9,24), ёсць гарантам таго, што не пазастанемся і мы самыя галоднымі, калі аддадзём апошняе для свайго брата.  З іншага боку, прыклад Беларусі апошніх гадоў паказвае -  колькі б грошаў не зараблялі, без ахвярнасці і братэрства ніколі не пазбавімся зямных праблемаў. Брат будзе забіваць брата, катаваць невінаватага, пісаць даносы, весці міграцыйную вайну -  і гэта зусім не таму што чалавек ратуецца ад голаду, але толькі таму, што чалавек імкнецца заўтра мець больш, чым мае сёння. І яму пляваць на брата. Гдядзі 💢💢💢https://youtu.be/N_WZp33XvDE 💢 Рэпрэсіі і тэрор у Беларусі - чаму паўтарыліся? | #коммунизм = #терроризм? @catholicby #голод