Беларусь ідзе дарогай смерці. З 29 мая 2022г уступіць у сілу, падпісаны Лукашэнка, "расстрэльны закон" аб "замаху на тэрарызм".  Прынятымі праўкамі да крымінальнага кодэксу, рэжым фактычна развязвае сабе рукі на легальнае забойства ўсіх сваіх апанентаў. Бо у Беларусі, як паказалі апошнія гады, каб стаць "тэрарыстам" шмат непатрэбна. А сутнасць закону такая, што да смяротнага пакарання могуць прызначыць не за тое, што здзейсніў тэрарыстычны акт, але ўжо і за само тое, што хацеў. Гэты крок беларускіх заканадаўцаў пашырае сферу застасоўвання смяротнага пакарання і, тым самым, грамадства ўсё больш пазбаўляецца надзеі.  Лічу сэнсоўным звярнуць увагу акурат на гэты момант "пазбаўленне надзеі", бо, што тычыцца фізычнай расправы і ліквідацыі апанентаў, насамрэч рэжым сабе такое дазволіў ужо даўно. За чвэрць стагоддзя гісторыі Беларусі можам прыгадаць дзесяткі загінуўшых людзей. Яны або знікалі - Захаранка, Ганчар, Завадскі,  або, як у 2020 годзе,  беспакаранна збіваліся да смерці або расстрэльваліся на камеру - Раман Бандарэнка, Генадзь Шутаў і Аляксандр Тарайкоўскі , або "выпадкова" гінулі ў турмах - Вітольд Ашурак ды іншыя. Пашырэнне практыкі смяротнага пакарання ў Беларусі, гэта не столькі пра праблему зніжэння маральнай чуйнасці ў вымярэнні правасуддзя і пазбаўленне асуджанага апошняга шансу змяніць сваё жыццё, аб чым перасцерагаў святы Ян Павел ІІ у энцыкліцы Evangelium vitae,27, як пра імкненне рэжымам пазбаўлення надзеі ўсяго беларускага грамадства. Кампендый Сацыяльнага Вучэння Касцёла п.405 кажа:《знакам надзеі з’яўляецца для Касцёла "усё больш шырокі пратэст грамадскай думкі ў адносінах да кары смерці…"》 Адпаведна, калі для кары смерці заканадаўцы ўсё часцей запальваюць зялёнае святло, то і надзея гіне. Дзеля больш грунтоўнага зразумення сітуацыі ў нашай краіне, я нагадаю, што на сённяшні дзень, па дадзеным праваабарончай арганізацыі Вясна, агульная колькасць дзяржаваў у свеце, якія адмянілі смяротнае пакаранне заканадаўча ці не прымяняюць яго на практыцы, складае 140 з 192. У сваю чаргу, ў Еўропе і на прасторах былога СССР, Беларусь пазастаецца адзінай краінай у якой стасуецца смяротнае пакаранне. Так сталася, бо яно не было адменена пасля развалу СССР, а пасля рэферэндума ў лістападзе 1996 г. было замацавана на заканадаўчым узроўні.  Акурат можна казаць, што смяротнае пакаранне замацавался праз той самы #рэферэндум, праз які быў аформлены дзяржаўны пераварот. У выніку якога Канстытуцыя 1994 г была зменена, што паслядоўна вяло Беларусь да знішчэння будучыні, чаго сёння з’яўляемся сведкамі. Грамадства абрала дарогу смерці.   Аднак, з такім выбарам ніколі не можа пагадзіцца хрысціянін. Касцёл, што праўда, раней дапускаў смяротнае пакаранне; але ж сёння ў святле Евангелля вучыць, што „смяротнае пакаранне недапушчальнае, бо з’яўляецца замахам на непарушнасць і годнасць чалавека“, і з рашучасцю спрыяе яго адмене ва ўсім свеце» (ККК 2267). Такая праўка ў Катэхізісе Каталіцкага Касцёла была афіцыйна прынята Кангрэгацыяй Веравучэння 2 жніўня 2018г. Інакш кажучы, новы Лукашэнкаўскі закон ізноў супярэчыць хрысціянскаму духу і ёсць чарговым замахам на годнасць чалавека. У такой сітуацыі, мы, хрысціяне, давайце не будзем казаць, што ад нас нічога не залежыць і мы не можам нічога зрабіць.  Мы можам, але ж трэба захацець па-сапраўднаму пазмагацца за жыццё. Хоць і не зусім так, як тое робіць напрыклад рух "пралайф". Я ніколі не паверу яго чальцам, што яны напоўніцу робяць Божую справу і ратуюць жыццё, хоць і змагаюцца супраць абортаў, бо ад іх ніколі не чуў, каб хоць слова сказалі ў абарону правоў чалавека або  выступілі за адмену смяротнага пакарання.  Змагаючыся ж за жыццё і яго годнасць трэба яго бараніць на кожным этапе.  І зусім для веруючых скептыкаў, для якіх заўсёды не ўсё так адназначна, раю: пачніце маліцца і замаўляць Імшы, малебны ў святынях за адмену смяротнага пакарання. Няхай гэта малітва гучыць кожны дзень у нашых храмах. Гэта будзе свайго роду прапаведванне - абвяшчэнне Евангелля жыцця і разварот усёй краіны з кірунка смерці ў кірунку жыцця. глядзі таксама 💢https://youtu.be/zirqDs0haVg 💢Вайна. Дзе ёсць Бог? | Стыдно за Госпада? | #беларусь #пролайф #войнаукраина #беларусы #смертнаяказень #смяротнаепакаранне #политзаключенные #нетвойне #костёл