Атрымаў позву ў Расонскі РАУС. Трэба з'явіцца 14.00 у іх, бо адносна мяне вядзецца ізноў адміністратыўны працэс, арт 24.23. Наколькі разумею, згодна з меркаваннем міліцыі, я здзейсніў правапарушэньне там, дзе наогул фізычна не быў - у Гарадку (Віцебская вобл.) Аднак, досвед дзейнасці сістэмы правасуддзя ў Беларусі паказвае, што гэты дробны нюанс можа і не паслужыць перашкодай, каб даказаць маю віну. Бо ў нас, бязрукія пляскаюць у далоні, нямыя выкрываюць заклікі, ну а ксёндз і падаўна уадначассе можа быць у двух розных геаграфічных кропках. Тым больш падрэ Піо, іншы каталіцкі святар, мог такое рабіць- гэта гістарычны факт. Так што маліцеся за мяне! З намі праўда і Бог! А Беларусь насуперак усяму жыве. Я ж выходжу!