"Бога трэба слухацца больш, чым людзей" (Дз 5) - кажа Пётр і іншыя Апосталы, калі чуюць ад першасвятароў пра забарону прапаведваць Уваскрослага  Хрыста і Яго перамогу. Бог заўжды стаіць на баку дабра, чалавек жа можа выбраць і бок зла. Зло ў свеце рэальнае. Той хто верыць у Бога ў гэтым не сумняецца. Кардынал Долан: "з падзеннем камунізму мы наіўна думалі, што зло перастала існаваць." У размове з Vatican News арцыбіскуп Нью-Йорка ўзгадаў перасцярогу амерыканскага палітыка Генры Кісэнджэра аб тым, што камунізм не выкараніў у Расіі імперыялістычныя памкненні. “Цалкам наадварот, камунізм іх яшчэ больш ажывіў”, - сцвердзіў мітрапаліт, дадаўшы, што суседнія краіны заўсёды былі мэтай Расіі. Vatican News па-беларуску Беларуская рэдакцыя Vatican News https://www.vaticannews.va/be.html https://t.me/vaticannewsbe У Беларусі таксама ўсё вельмі пераблытана з успрыняццем рэчаіснасці. У апошнім відэа я парушыў праблемы розных падыходаў сярод духавенства да   існуючых праблемаў у грамадстве. Ксяндзы: адных судзяць, а другія цалуюцца з тымі, хто судзіць. 💢 https://youtu.be/a33Hog2qiCI 💢 За два месяцы з пачатку актыўнай фазы вайны ва Ўкраіне, ў Беларусі папалі пад рэпрэсіі 8 святароў розных канфесій. Кожны з іх на розны спосаб пакараны. Але прычына была адна. Усе яны так ці інакш выступілі супраць вайны і несправядлівасці ў краіне. І тым самым выканалі свой пастырскі абавязак. Нагадаю іх імёны. Праваслаўны святар - Міхаіл Маруга , 13 сутак. Каталіцкія святары: Ігар Лашук -пакараны 30 базавых; Андрэй Кеўліч - суд адправіў справу на дапрацоўку; Аляксандр Баран- 10 сутак арышту; Анджэй Бульчак - вымушаны з’ехаць у Польшчу. Грэка-каталіцкі святар Васіль Ягораў - штраф 50 базавых. Баптысцкія пастыры: Віталі Чычмароў - крымінальная справа і Раман Раждзественскі  - штраф. Больш на ютуб... Напэўна, не проста сказаць якая пазіцыя іерархаў прывядзе да развіцця касцёла, а якая паспрыяе аслабленню пазіцыі хрысціянаў ў грамадстве і дзяржаве. Ва ўсялякім выпадку евангеліст Ян у 21 раздзеле Евангелля, пераказваючы падзеі звязаныя з трэцім аб’яўленнем Уваскрослага сваім вучням, падкрэслівае: Сеці апосталаў перапоўніліся рыбай пасля таго, як вучні насуперак свайму досведу але на словы Божага Сына, закінулі іх яшчэ раз. Магчыма і ў Беларусі варта паспрабаваць перастаць аглядацца на зямныя ўлады але пачаць адкрыта прапаведваць Праўду Евангелля, бо Бога трэба слухацца больш чым чалавека. Глядзіш тады і зла паменее ў дзяржаве і храмы нашы перапоўняцца людзьмі, як сеці апосталаў ад рыбы. #войнаукраина #нетвойне #беларусы #священники #война #репрессии #Беларусь #Ксёндз #католики