Папа Францішак, у часе свайго пантыфікату, здзейсніў не адно місійнае падарожжа ў розныя краіны свету. У Азейрбаджане, дзе 97% насельніцтва мусульмане, а на ўсю краіну ёсць толькі адзін каталіцкі касцёл, папа Францішак пабываў у 2016 г. У ААЭ, дзе 100 адсоткаў карэннага насельніцтва мусульмане, а касцёлаў для эмігрантаў-католікаў на ўсю краіну налічваецца 4, папа быў у 2019г. У мусульманскім Іраку, адкуль з-за неспакойнага жыцця бягуць людзі і дзе католікаў зусім мала, папа быў у 2021г.  У 2017 г папа наведваў  Бангладэш, там мусульманаў 89,1 % і 10% вызнаўцаў індуізма, а католікі змяшчаюцца ў 0,9% адсотках, сярод якіх ёсць яшчэ вызнаўцы розных рэлігій.  Тады ж завітаў і ў суседнюю М’янму, у якой 89 % будзісты, а усіх хрысціянаў разам 4%.  У Японіі, ў якой папулярны рэлігійны сынкрэтызм і большасць гэта вызнаўцы сынтаізма і будызма, і ўсяго 2 % хрысціянаў, якія пераважна католікі, папа быў у 2019. У тым жа годзе наведаў буддзіскі Таіланд, а хрысціянаў там не больш за 1,7%.  У 2019г наведаў меньш экзатычныя, бо, праваслаўныя краіны Еўропы: Балгарыю і Румынію, у якіх больш 80% праваслаўныя, а розніца паміж імі толькі тая, што ў кожнай краіне свой патрыярхат. А католікаў у адной 6, а ў другой 0.6 адсоткі. У праваслаўнай Грузіі пабываў раней у 2016 г. - католікаў там палова адсотка. У гэтым 2021 г папа пабываў у праваслаўнай Грэцыі. І, вяртаючыся адтуль, у размове з журналістамі заявіў, што "гатовы паехаць у Маскву". Дзеля гэтага на наступным тыдні Ватыкан наведае адказны за знешнія зносіны РПЦ мітрапаліт Іларыён, каб паразмаўляць пра магчымасць такога візіту, бо папа жадае сустрэца з братам -так ён называе маскоўскага патрыярха Кірыла.  Такое спатканне, насамрэч, было б унікальным, бо вядома,  дагэтуль неводзін пантыфік у Маскве не быў.  А вось па якой прычыне невядома. Католікаў там, вядома, не шмат - па розных падліках іх ад 0,1 да 0,5 адсоткаў насельніцтва. Але ж, канешне, гэта не праблема, бо быў папа ў такіх краінах, дзе католікаў падобная колькасць. Наяўнасць мусульманаў і праваслаўных у Расеі таксама не праблема, бо папа бываў, можна казаць, у цалкам праваслаўных і мусульманскіх краінах.  Не рэдка чуваць, што галоўнай прычынай таго, што папа не можа даехаць да Расіі, ёсць праблема так называемай "кананічнай тэрыторыі". Да таго ж, па гэтай прычыне нібы ніводзін з папаў таксама не мог пабываць у Беларусі. Што гэта за бар’ер такі - "кананічная тэрыторыя"? Так вось, гэты эклезіалагічны тэрмін, бадай, упершыню быў ужыты праваслаўнымі багасловамі ў 30-ые гады хх ст, а вось у 90-ые стаў вельмі папулярным у РПЦ, згодна з ім, замацоўваецца права пэўнай памеснай царквы за канкрэтнай тэрыторыяй, а прысутнасць іншых цэркваў успрымаецца варожа і непажадана. Толькі вось праблема такая, што празэлітызмам і навязваннем сваёй веры нельга займацца выключна на тэрыторыі Расіі і краінаў, дзе існуе РПЦ, а вось на тэрыторыі іншых краінаў (заходняя Еўропа) РПЦ дае сабе права займацца місіянерствам. Адным словам такі аднабаковы і несправядлівы падыход.  Да тагож, на маю прыватную думку, пра якую кананічную тэрыторыю можна казаць у Беларусі, калі ў Еўропе, а часам і ў свеце, Беларусь лідыруе па такіх паказальніках, як аборты, суіцыды, алкагалізм, разводы, лідыруе па колькасці пакінутых дзяцей бацькамі. Ці можа гэта і ёсць тыя паказальнікі, якія сведчаць, што дадзеная тэрыторыя замацаваная за РПЦ? Я не думаю, што гэта так. Але ж ацэнка сітуацыі паказвае, што ў Беларусі хрысціянам няма чаго дзяліць, бо мы знаходзімся ў меншасці ў параўнанні з абыякавай да рэлігіі большасцю грамадства. Інакш кажучы, сам тэрмін "кананічная тэрыторыя", паняцце пустое і несправядлівае, а нават антыхрысціянскае, бо перашкаджае іншым вызнаўцам Хрыста выконваць сваю місію. А таму, як РПЦ у Маскве лічыць, што Беларусь гэта іх кананічная тэрыторыя, то нам пазастаецца толькі думаць ды гадаць, ці адведае калі-кольвечы пантыфік нашу краіну.  Да тагож ,вядома, наш народ сёння гэта нібы пабіты чалавек пры дарозе з Іерусаліма ў Іерыхон з прытчы пра добрага самараніна. Толькі, ў адрозніванні ад сюжэта прытчы, ў рэальнасці бандыты ніяк не пакінуць Беларусь і мы ўсё яшчэ пакутуем, церпім над сабой здзекі і пабоі ды чакаем свайго ратаўніка - "добрага самараніна", пакуль іншыя нас не заўважаюць і праходзяць міма, хоць часам прыгожа гавораць. Госпадзе, ратуй Беларусь. Глядзі таксама 💢💢💢 https://youtu.be/8FiWc2KHnBg 💢Чакаючы на Месію, не размінуцца. | #перемены #адвэнт #рождественскийпост #проповедь