Вайна. Дзе ёсць Бог? | Стыдно за Госпада? "...бо нам трэба прайсці праз многія цярпенні, каб увайсці ў Божае Валадарства. " (Дз 14, 22) Памятаю, пад-час аднаго з інтэрв’ю на Еўрарадыё, прагучала пытанне ад слухачкі, што можна адказаць дзіцяці, якое пытаецца сваю маці ў кантэксце здзейсненых зверстваў ва Ўкраіне расійскімі войскамі: Як цяпер верыць у Бога? Чаму Бог такое дапусціў? Як вярнуць веру? Прыгадаў гэтыя пытанні, бо яны цалкам папулярная ў сённяшнім свеце. Некаторыя, што праўда, ідуць далей ды, аналізуючы сітуацыю, кажуць, што ім аж сорамна за Госпада. На маю думку, такія выказванн гучаць не таму, што суразмоўцы аж так веруючыя. Толькі з іншых прычынаў. Я выдзеліў бы прынамсі тры з іх: - чалавек бачыць безраднасць у момант ваеннага крызісу; - чалавек не хоча несці адказнасць за свае ўчынкі; - чалавек спрабуе абвінаваціць Бога за свой грэх. У выніку так і атрымліваецца, чалавек сам стаў прычынай вайны і зверстваў, а вінаватым робіць Госпада. Узгадайце гісторыю з эдэмскага саду. Пасля таго, як Адам і Ева саграшылі і хаваліся ад Бога, Гасподзь пытаўся ў чалавека: "Адам, ты дзе?" Сёння ж, чалавек нарабіў праблем але пытаецца Госпада "а дзе Бог?" 💢💢https://youtu.be/KbXivE8tH6o 💢Бога трэба слухацца больш, чым людзей. | #касцёл💢💢💢 А што ж Госпад на гэта? Госпад жа збавіў свет і падрыхтаваў Валадарства для ўсіх, хто ў Яго верыць. Кожны справядлівы атрымае сваю ўзнагароду. А ўсё нашае жыццё і людзкі свет - гэта тое апошняе імгненне, ў якім мы апынуліся перад уваходам у вечнасць. Зрэшты, і патрапілі мы ў такі замес не па віне Божай, але з уласнага выбару. За дзяцей выбар рабілі бацькі. Аднак, Гасподзь не пакідае нас і пасля таго, як мы памыліліся і зрабілі няправільны выбар. Ён дазваляе змяніць усё. Дзеля гэтага трэба "прайсці праз многія цярпенні, каб увайсці ў Божае Валадарства." (Дз 14, 22) А таму той, хто насамрэч верыць у Госпада, не задае такіх пытанняў. Бо адказ на пытанне "дзе Бог?" ведае дасканала - "з намі Бог". Апосталы, якія напрыклад служылі Госпаду, але немала і цярпелі з-за свайго служэння, не пыталіся дзе Бог, але расказвалі, "як шмат Бог учыніў з імі" (Дз 14,27) Апостал Ян казаў і пра вечнасць: "Ён будзе жыць з імі, і яны будуць Ягоным народам, і Ён будзе “Богам з імі”. (Ап 21…) Безумоўна, можна філасофстваваць і разважаць над пытаннем: "а ўсё ж дзе ёсць Бог?" А можна, напрыклад, так як беларускія хлопцы з батальёну Кастуся Каліноўскага, кожную нядзелю узносяць малітвы да Госпада і самыя служыць Літургію - бо святара у іх няма - ды дзякаваць Богу за тое, што могуць не дазваляць рускім акупантам рабіць зверствы ва Ўкраіне. Свет перакручаны. Важна ў ім не згубіць з позірку сваіх вачэй Госпада. 💢 глядзі таксама 💢 https://youtu.be/gA5BqndCnF4 💢Паслясмак Дня Перамогі. | #трибунал неизбежен. #проповедь #католики #беларусьсегодня #церковь #католицизм