Знакі часу - знакі прысутнасці або задумаў Божых. (Gaudіum et spes, 11. Душпастырская Канстытуцыя пра Касцёл у сучасным свеце). "Бо тое, што бачыш, прызначана яшчэ на пэўны час і гаворыць пра канец, і не ашукае... праведны будзе жыць дзякуючы сваёй вернасці." (Абк 2, 3-4) Год таму Беларусь выйшла на той этап развіцця гісторыі, па завяршэнні каторага наша краіна трывала і на доўгія гады наперад замацуе сваю незалежнасць або, як альтарнатыва,  гіпатытычна кажучы, можа пазбавіцца нават свайго існавання. Адметнасцю гэтага гістарычнага моманту ёсць і тое, што актуальны працэс тычыцца перадусім маральнага боку. Адны - прыхільнікі рэжыму, на словах заяўляюць, што ім не да закону, і на справах паказваюць, што і маралі для іх ніякай няма. Для іх усе метады добрыя дзеля таго, каб толькі ўтрымацца "пры карыце", нават і пры такім карыце, якое у некаторых дашчэнту разбітае… А іншыя, другая частка грамадства, збольшага не маючы прыналежнасці не да якіх-кольвечы партый і без канкрэтных лідараў палітычных, усе агулам харэктырызуюцца сваёй верай у тое, што насуперак уселякай логіцы можна паспрабаваць жыць, кіруючыся каштоўнасцямі духоўнымі, сярод якіх самая важная ёсць годнасць чалавека. Вось тут, на гэтых межах людзкіх светапоглядаў і адбываецца сёння супрацьстаянне ў Беларусі. Лінія фронту праходзіць у сэрцы чалавека, а таму і можна казаць, што гэта і ёсць Армагедон. Нутро чалавека, як аднаіменная біблейская даліна Армагедон, і надалей з’яўляецца полем бітвы паміж дабром і злом, паміж сіламі святла і цемры. Акурат год таму, на гэтым канале вышла відэа: #БеларускіАрмагедон. Што адбываецца ў Беларусі? Што адбываецца з намі? Выбары 2020. https://youtu.be/w5u3sCS28Gc 👍 Дарэчы, гэта відэа правералася на наяўнасць у ім экстрэмісцкага зместу, і дзяржэкспертыза выдавала заключэнне, што такіх матэрыялаў у ім няма. Па завяршэнні года супрацьстаяння, кожнаму захочыцца зрабіць падсумаванне. І хто ж пры гэтым не пажадае назваць сябе пераможцай? Асабіста сам, ацэньваючы сваё жыццё і пражыты год, я задаволены ўсім з таго што перажыў.  І калі б была магчымасць штосьці змяніць, я б нічога не меняў. Бо калі чалавек у пераломныя моманты пазастаецца верным выключна свайму сумленню і не ідзе з ім на кампраміс, няма чаго меняць. Важна ісці не за нейкімі лідарамі і людзкімі лозунгамі, але за Госпадам і словам, якое кажа Бог. Я перакананы, што большасць беларусаў ацэньваючы падзеі перажытага году будуць здольныя ўласціва іх прачытаць і зразумець. Ведаеце, сярод іх, канешне, не магчыма прапусціць такія лічбы, як больш 30 тыс пакараных беларусаў па адміністратыўных правапарушэннях, блізка 5 тыс. заведзена крымінальных справаў, тысячы чалавек асуджаныя на доўгія тэрміны і 8 смяротных ахвяраў, якія з’явіліся ў кантэксце грамадска-палітычнага крызісу. А таксама, падаецца, можна казаць пра дзесяткі, а то і сотні тысяч, уцекачоў па-за межы краіны. І заўважце, гэта ўсё ахвяры рэпрэсій з-за палітычных матываў. Да гэтых лічбаў можна дададць мільёны беларусаў, якія мараць праснуцца ў краіне без хлусні і насілля, а гэта значыць прагнуць змены дзяржаўнай ідэалогіі.  Хрысціянін, разважаючы пра гэтыя падзеі, бачыць знакі часу і важна іх правільна прачытаць. Памятаеце Хрыстос абураўся на тых, хто не ўмеу, або не хацеў даваць уласцівую ацэнку падзеям у Евангеллі ад Лукі чытаем Яго словы:  "Крываду́шнікі! аблíчча зямлí і неба распазнава́ць уме́еце, як жа часу гэтага не распазнаяце́? Чаму ж вы і самі па сабе не су́дзіце, што́ правільнае?" (Лк 12, 56-57). Як жа распазнаць, тое што правільнае? Правільнае там, дзе праўда. Правільнае там, дзе думаеш не толькі пра сваё дзіця і як яго пракорміш, але пры гэтым і ў чужога не забярэш кавалак хлеба, а яго бацьку і маці не пасадзіш за краты толькі таму, што яны хочуць перамен. Правільнае там, дзе ты са зразуменнем падходзіш да чалавек, які магчыма спаў аж чвэрць стагоддзя, але ж, калі праснуўся, не дакараеш яго, што ён не так змагаецца за Беларусь, як ты, але падстаўляеш сваё плячо ў добрай справе і радуешся, што ён праснуўся. Правільнае, гэта калі ты, будучы членам Касцёла, Царквы, верыш у Госпада і не навязваеш сваіх формулаў малітвы таму, каго Бог знайшоў па-за сценамі храма, але славіш Бога, які дзейнічае так, як хоча і ў тым ліку ў жыцці беларуса, які абудзіўся. Правільна і сёння, негледзячы ні на што, захоўваць вернасць сумленню, Богу і Беларусі, бо як прыгадвае #прарокАбакум, усяму будзе канец, а той, хто захавае вернасць, будзе жыць. Жыве Беларусь. З Богам. 👍глядзі таксама 🙂https://youtu.be/zoMYQz6SfnY 👍Голад - паратунак для Беларусі. | #христианская_проповедь #Беларусь, выход из кризиса. #священник