Калі глядзіш ці чытаеш навіны ў дзяржаўных СМІ, разумееш, што словы “беларусы — мірныя людзі” не больш чым падман. Зусім яны не мірныя! І спецслужбы не стамляюцца гэта даказваць. Ну а тое, што доказы такія з’яўляюцца напярэдадні альбо прэзідэнцкіх выбараў (ці адразу пасля іх), альбо нацыянальных святаў кшталту Дня Волі, — не больш чым супадзенне. Вось і сёлета мы даведаліся не толькі пра тое, што паплечнікі Ціханоўскага рыхтавалі “масавыя беспарадкі ў поствыбарчы перыяд”, а нейкія тэрарысты (і гэта нават не група Аўтуховіча!) назапасілі дзясяткі кілаграм тратылу! Пра што сведчаць “выкрытыя” спецслужбамі схованкі са зброяй і выведаныя планы правакацый на Дзень Волі? Ці чакае нас паўтор справы “Белага легіёна”? Расійская зброя ў беларускіх сілавікоў — ці ёсць тут чаму здзіўляцца? На гэтыя ды іншыя пытанні адказвае кіраўнік аналітычнага праекта Belarus Security Blog Андрэй Паротнікаў. Нашы суполкі ў сацсетках. Падпішыцеся! ТГ: https://t.me/euroradio FB: https://www.facebook.com/euroradio.fm/ ВК: https://vk.com/euroradio ОК: https://ok.ru/euroradio Instagram: https://instagram.com/euroradio