Вянок беларускіх народных песень. Запіс У. Раговіча Нумар 57 Зап. у 1962 годзе ў вёсцы Дуброва Светлагорскага раёна Гомельскай вобласці ад П.М. Дайнекі, 1900 г.н. Вясельная песня Ў нядзелю рана звінела, Ой, рана-рана, неба звінела. Ганначка з Богам параду мела, Ой, рана-рана, параду мела. Якую долю Ганначцы даці, Ой, рана-рана, Ганначцы даці? Ганначка кажа: "Абы якую, Ой, рана-рана, абы якую. Абы якую, ды шчаслівую, Ой, рана-рана, ды шчаслівую!" Даць гаратную - гараваць будзе, Ой, рана-рана, гараваць будзе. Даць грашавую - Бога забудзе, Ой, рана-рана, Бога забудзе. Дам шчаслівую - кахана будзе, Ой, рана-рана, кахана будзе! Чакайце новыя песні тры разы на тыдзень - панядзелак, серада і пятніца. Яшчэ больш песен у телеграм канале: https://t.me/spiavaizasynai