Серыя "Беларуская народная творчасць"
Балады. Том 2. Нумар 544
М. Гарэцкі, А. Ягораў. Народныя песні з мелёдыямі. Мінск, 1928
Зап. ў 1926 годзе ў вёсцы Багацькаўка Мсціслаўскага раёна ад Просі Гарэцкай
* Дом-цямніца гэта сімвал труны
Ты, дуброва, дуброва,
Дубровачка зеляная.
А і што ж ты, дуброва,
А ні родзіш ты нічога?
Не зрадзіла, дуброва,
А ні хмелю, ні ячменю.
А зрадзіла дуброва
Густы ельнік да бярэзнік.
Каб па том па ельнічку
Ды два брахненькі гулялі.
Ды два брахненькі гулялі,
Яны брусейка цясалі.
Яны брусейка цясалі,
Святлічаньку будавалі.
Яны думалі - святліца,
Ажну цёмная цямніца.
- Вот цяпер жа мы, брацец,
Навек з табой запрапалі.
А й не будзем, брацец, знаці,
Калі зіма, калі лета;
А й не будзем, брацец, знаці,
Калі дзянёк, калі ночка;
А й не будзем, брацец, знаці,
Калі свят дзень, калі будні.
А па том зіму зналі,
Што зялезы прыстывалі;
А па том лета зналі,
Што зязюлі кукавалі;
А й па том ночку зналі,
А што пеўні успявалі;
А й па том свят дзень зналі -
Ўва ўсе звоны зазванялі.
Чакайце новыя песні тры разы на тыдзень - панядзелак, серада і пятніца.
Яшчэ больш песен у телеграм канале: https://t.me/spiavaizasynai