Аддаў бацька дачку замуж Серыя "Беларуская народная творчасць" Балады. Т. І Нумар 1 Зап. Р. Шырма ў 1946 годзе ў вёсцы Апечкі Стаўбцоўскага раёна Мінскай вобласці ад Аляксандры Кожыч "Вяснянкі" Аддаў бацька дачку замуж Сем міль ад сябе. Ды не вялеў ў гасцях быці Сем год у сябе. Ды на трэці ўжо гадочак Бацька дачку жджэ: - Няхай маё ды дзіцятка Ка мне ў госці йдзе! - Не пайду я к татку ў госці Малодачкаю, Палячу я к татку ў госці Зязюлечкаю! Ой, палячу, пагляджу я, Што татка робіць. Ды адно ж мой татка родны Па двару ходзіць, Ды за правую ручаньку Сыночка водзіць, Ды ў левай ручаньцы Стрэлачку носіць. - Ой, стрэльма, мой татачка, Шару зязюльку! - Не страляй жа, мой сыночак, - Сястрыца твая! - Калі шэра зязюлька, Шугі ў шчыры бор, Калі ты - мая сястрыца Прашу на мой двор! - А я з таго жалю-плачу Ў лугі палячу, Ды як стану кукаваці, Татку засмучу, Ды як стану бедаваці, Лясы пасушу, Ды як стану горка плакаць, Лугі затаплю! Ды як прыйдзе мой брацетка Лугі касіці, Ды баіцца аступіцца Каб не ўтапіцца. - Ты не бойся, мой брацетка, Гэта не вада, Ты не бойся, мой брацетка, То слёзы мае! ЧАС СЬПЯВАЦЬ Тэлеграм https://t.me/spiavaizasynai Інстаграм https://www.instagram.com/p/Chj8XW7o_j0/?igshid=YmMyMTA2M2Y= Тік ток @chas_spiavac https://vm.tiktok.com/ZMF1mjqN8/