Калі 22 лістапада не можаце быць у Вільні на перапахаванні Кастуся Каліноўскага ды іншых паўстанцаў 1863–1864 гг. – глядзіце "Белсат". "У нас можна будзе пабачыць больш, чым на месцы", – кажа Аляксей Дзікавіцкі. Намеснік дырэктара тэлеканалу кіруе рыхтаваннем трансляцыі цырымоніі, якую "Белсат" пакажа праз спадарожнік і ў інтэрнэце. Гэты жывы эфір будзе адным з найдаўжэйшых у гісторыі тэлеканалу. https://belsat.eu/?p=1227071 Што пакажа "Белсат"? Нашая мабільная студыя будзе на Катэдральнай плошчы, насупраць Віленскай архікатэдры. Менавіта там плануюцца галоўныя ўрачыстасці – развітанне з парэшткамі паўстанцаў, святая літургія, і там будуць прамаўляць прэзідэнты. Усё гэта мы плануем паказаць у жывым эфіры. Прэзідэнты будуць прамаўляць на розных мовах. "Белсат" забяспечыць пераклад, каб нашыя гледачы ўсё зразумелі. У нашай палявой студыі – вялікім намёце – будуць працаваць перакладчыкі з літоўскай і польскай моваў на беларускую. У працэсе рыхтавання эфіру мы былі ў Вільні каля Вострай брамы, дзе пройдзе працэсія. Потым яна накіруецца на могілкі Росы, дзе ў адмысловай капліцы пахаваюць парэшткі паўстанцаў. На сёння там яшчэ ідуць падрыхтоўчыя працы. Нашыя гледачы ўбачаць больш, чым прысутныя Не ўсе змогуць трапіць на літургію і прамову прэзідэнтаў у Катэдру – усё будзе праходзіць за зачыненымі дзвярыма. З 9 раніцы будзе паўтары гадзіны на развітанне – кожны зможа пайсці і развітацца з паўстанцамі, парэшткі якіх выставяць у Катэдры. Пазней касцёл зачыняць, і пачнуцца ўрачыстасці. "Белсат" скарыстаецца сігналам Літоўскага тэлебачання "LRT", якое, як гаспадар гэтай падзеі, будзе ўсё здымаць унутры Катэдры. Святар або тэолаг у нашай студыі будзе тлумачыць элементы набажэнства. Гэта незвычайная літургія Па-першае, там будуць тры біскупы – беларускі, літоўскі і польскі. Па-другое, некаталікам некаторыя фрагменты могуць быць незразумелыя, таму адмысловы каментатар будзе каментаваць, не замінаючы слухаць святара. Гэта будзе адзін з надаўжэйшых эфіраў у гісторыі "Белсату". Ён будзе доўжыцца каля 7 гадзінаў. Мы пачнем яго новаю версіяй песні Лявона Вольскага на верш Уладзіміра Караткевіча "Калі ідуць на абардаж". Верш прысвечаны паўстанцам Каліноўскага. Версію гэтай з аднаго боку сумнай, з другога – узнёслай песні Вольскі запісаў адмыслова для нас. Лукашэнка праігнараваў У касцёле выступяць прэзідэнты Літвы ды Польшчы. Кіраўнік Беларусі ў Вільню не збіраецца. Магчыма, прамовіць кіраўнік дэлегацыі Рэспублікі Беларусь, дапусцім, міністр замежных справаў. Але гэта не ўзровень прэзідэнтаў [заўв. рэд. На момант публікацыі невядома, хто будзе рэпрэзентоўваць Беларусь на перапахаванні паўстанцаў у Вільні]. Таму мы папрасілі старшыню Рады БНР Івонку Сурвілу, якая таксама будзе ў Вільні, выступіць са зваротам. Мяркуецца, што яна запіша яго яшчэ ў Канадзе. Пасля прамоваў прэзідэнтаў Польшчы і Літвы мы пакажам выступ Івонкі Сурвілы ды інтэрв’ю з ёй у студыі. Хто будзе каментаваць падзеі ў студыі? Гісторыкі Васіль Герасімчык, Алесь Смалянчук, Алесь Краўцэвіч, а таксама іхныя літоўскія калегі. Але гэта яшчэ недакладна. Хутчэй за ўсё далучыцца і спадарыня Людвіка Кардзіс – лідарка беларускай супольнасці ў Літве. Літоўскія беларусы шмат гадоў дамагаліся гэтага ўшанавання паўстанцаў. Нашая старонка – https://belsat.eu/ Расклад новых выданняў – https://belsat.eu/schedule Падпішыся на нашыя каналы BELSAT NEWS – https://goo.gl/fe2Lw9 ВОТ ТАК – http://goo.gl/Kra6Qf БЕЛСАТ БЕЗ ПАЛІТЫКІ – https://goo.gl/qSjU7a БЕЛСАТ ГІСТОРЫЯ – https://goo.gl/cfiYTj БЕЛСАТ МУЗЫКА – https://goo.gl/NDB5oB ЖЭСТАЧАЙШЫ МУЛЬТ – https://goo.gl/obVGMH BIEŁSAT PO POLSKU – https://goo.gl/4LdFdG BELSAT IN ENGLISH – https://goo.gl/mtBQvM Далучыся да нас у сацыяльных сетках Па-беларуску FACEBOOK – https://goo.gl/nWYVXF VKONTAKTE – https://goo.gl/vvwJyJ TELEGRAM – https://goo.gl/jMMQAc INSTAGRAM – https://goo.gl/Vsuix6 TWITTER – https://goo.gl/CbSrPA По-русски FACEBOOK – https://goo.gl/N4FKHF TWITTER – https://goo.gl/J4wpAg ODNOKLASSNIKI – https://goo.gl/sXdZ4p Po polsku FACEBOOK – https://goo.gl/b7VuoV TWITTER – https://goo.gl/rmvobb In english TWITTER – https://goo.gl/P3H5Qp Па ўсіх пытаннях – [email protected] #Белсат #Вільня #Каліноўскі