ТОЛЬКІ ЗЬМЕН 13 чэрвеня ў сеціве зьявлася відэа. “Жадаю перамен”. https://www.youtube.com/watch?v=JdftL3DqDt0&feature=emb_logo Прыгожа, пад гітару, без залішняга патасу й надрыву гарадзенская прыгажуня-студэнтка сьпявала па-нашаму ведамы гіт Віктара Цоя. Цяжка было не захапіцца, цяжка было прамаўчаць і я напісаў Алесю Чумакову: Маладая Беларусь! Трасяначная, але наша! Свая! Былыя школьнікі адзначаюць, што раней не цікавілася палітыкай, але апошнія падзеі ў краіне, звязаныя з прэзідэнцкай кампаніяй, прымусілі іх выказацца. “Гэтым відэа мы хочам паказаць, што мы неабыякавыя да сітуацыі ў краіне. Мы - маладыя грамадзяне Беларусі і нам тут жыць. Мы хочам пераменаў і гэта нармальна. А ненармальна тое, што Лукашэнка парушае Канстытуцыю і кіруе краінай ужо 26 гадоў. Мы не кажам, што дрэнна жывем, але нам няма з чым параўноўваць і мы не ведаем, як жыць за іншым прэзідэнтам”. Іх жа ніхто не прасіў па-Беларуску. Яны зрабілі, што маглі й як маглі... У выніку зьявіўся гэты пераклад, які я прсьвячаю той, невядомай мне, студэнтцы. Сьпявае Алесь Чумакоў. ТОЛЬКІ ЗЬМЕН Зáміж цяпла – зе́леня шкла, Зáміж вагню – дым, Зь сеткі календара схоплены дзень. Зыркае сонца згарае датла, Дзень дагарае зь ім, На места ў полымі падае цень. Рэфрэн: “Толькі зьмен!” Сэрцы ў нас нáдабяць зьмен. “Толькі зьмен!” Вочы ў нас нáдабяць зьмен. Сьмех і сьлёзы, пульсацыя вен – Дамагаюцца зьмен. “Толькі зьмен! Чакаем мы зьмен!” А электра-сьвятло нам працягвае дзень, Ды няма ні запалкі нідзе й Там, на кухні, сіняю кветкай палае газ. Цыгарэты ў руках, гарбаты глыток – і не бывае прасьцей, Больш нічога няма, ўсё астатняе ў нас. Рэфрэн. Мы ня можам хваліцца мудротай вачэй. Жэсты недасканалыя скрозь. Ды адно аднаго разуменьня у нас не адняць. Цыгарэты ў руках, гарбаты глыток – і замкнёнае кола ёсьць, Ды раптам нам робіцца страшна нешта зьмяняць. Рэфрэн.