БЭЛА САШЭЛА Мужная Італія сустрэла сьмяротны каронавірус песьняй. Песьня яднае людзей. Ворагі разам не сьпяваюць. Мы таксама маглі б... Маглі б... А італянцы змаглі: Я абудзіўся аднойчы ранкам... – Бывай красуня бэлла чаа, бэлла чаа, чаа, чаа! Я абудзіўся аднойчы ранкам І ўбачыў ворагаў наўкол. У партызаны, мяне прыміце... – Бывай красуня бэлла чаа, бэлла чаа, чаа, чаа! У партызаны, мяне прыміце, Бо прадчуваю зьгін і сьмерць. Калі сканаю я партызанам... – Бывай красуня бэлла чаа, бэлла чаа, чаа, чаа! Калі сканаю я партызанам – Дык пахавайце вы мяне. Вы пахавайце ў гарах высока... – Бывай красуня бэлла чаа, бэлла чаа, чаа, чаа! Вы пахавайце ў гарах высока, Дзе цень дае прыгожы квет. А людзі прыйдуць, вядома, прыйдуць... – Бывай красуня бэлла чаа, бэлла чаа, чаа, чаа! А людзі прыйдуць, вядома, прыйдуць І скажуць: “Кветка проста цуд!” Яна квітнее над партызанам... – Бывай красуня бэлла чаа, бэлла чаа, чаа, чаа! Яна квітнее над партызанам, Які за волю склаў жыцьцё. Мужная Італія сустрэла сьмяротны каронавірус усім народам, улучна свайго, не заўсёды лепшага, але заўсёды свайго, кіраўніцтва. Якое б яно ні было – перад агульнай бядой усе роўныя й усе разам. Мы таксама маглі б... Не. Усе разам мы не маглі б... Здрадная, антынародная пазыцыя кіраўніцтва Беларусі змушае нас сьпяваць асобна і сваё. Гарыць адчаем душа народа. Сашэлла чава, Сашка чава, рашка чава, чава, чава, Ты чалавеку чужой пароды! Бывай, бывай, бывай, бывай! Прачнуся з золкам устану рана. Сашэлла чава, Сашка чава, рашка чава, чава, чава, І проці цемры у партызаны – Сказаць сыйдзі! І назаўжды! Нагнём заразу. Усе па разу. Сашэлла чава, Сашка чава, рашка чава, чава, чава, Трываць абразу, зазнаць паразу – То не для нас, то не для нас! Мы Беларусы мы людзі волі. Сашэлла чава, Сашка чава, рашка чава, чава, чава, Мы кажам годзе! Маўчаць даволі! І гэта толькі першы крок! Палае гневам душа народа. Сашэлла чава, Сашка чава, рашка чава, чава, чава, Ня будзе з катам ніякай згоды! Бывай, бывай, бывай, бывай! Мужная Італія сустрэла сьмяротны каронавірус годна... Гэта мы можам, калі кожны зробіць тое, што можа й умее найлепш. Вірус не працуе самастойна. Злачынцы спрыяюць пошасьці, дапамагаюць хваробе. Ім напляваць на народ. Але ня верце нікому хто скажа, што вірус не баіцца песьні. 23 сакавіка 2020 году. Бярнардаў гасьцінец.