СПРОБПАПЫТАК Першая супольная прэс-канфэрэнцыя штабоў Ціханоўскай, Бабарыкі і Цапкалы. Ужывую. https://www.youtube.com/watch?time_continue=1913&v=K9DGpi-_2rA&feature=emb_logo Марыя Калесьнікава, справакаваня Беларускамоўным пытаньнем журналіста, сказала адно слова па-Беларуску (24:14 – 24:37) й тут жа папрасіла прабачэньня! Яна сказала “спроб”. Гэта нават не па-Беларуску. Гэта трасянка. Я нічога ня маю да Марыі Калесьнікавай як да чалавека, жанчыны, грамадзянкі. Але я маю пытаньне да палітыка Марыі Калесьнікавай. Што вы робіце, спадарыня Марыя, і што плянуеце рабіць з нашай мовай далей? Зрэшты, адказ на пытаньне маглі б даць і іншыя удзельніцы канфэрэнцыі Вераніка Цапкала ці Сьвятлана Ціханоўская. Я ведаю... Ўсяго адзін мікроб У стане лёгка зьнішчыць нават генія! “Нет мы не астанавліваем спроб... Папытак... Я прашу прашчэнія...”. А я ў “папытках” вашых чую “пыткі”. Мо лепей без маны скажыце хто вы? Куды цячэ ваш моўны досьвід плыткі? На што гатовы вы для нашай мовы? Ці вас яе наяўнасьць абражае? Ці толькі вымаўленьне рэжа вуха? Шкада, што наша мова вам чужая. Яна для духу вашага – задуха. Вам хочацца краіны рускамірнай? Нямой ад чужамоўнага бязьмежжа? Дзе скрозь тырчаць маскоўскія куміры, І прапраганда дыхае нясьвежа... Вось запыталі вас па-Беларуску, А вы ў адказ (культурныя манэры) Як Лукашэнка, нетактоўна, вузка... Таму, даруйце, вам няма даверу Ды я, пры гэтым, згодны памыляцца... Ноч языка зьмяніце моўным раньнем – І я прыйду пакаяцца... на пляцы... І папрасіць прылюдна дараваньня! 17 ліпеня 2020 года Бярнардаў гасьцінец.