НА МАЙДАН Песьня напісаная ў лютым 2014 году ў патрымку змагарнага кіеўскага майдану. Ну, нарэшце. Я ўжо думаў няма. Аж ёсьць. Маладыя інтэлектуалы. Эліта. Зь Беларусі. Беларуская? Не. Зь Беларусі? Так. У чым розьніца? Беларуская эліта так думаць ня ўмее. І справа ня толькі ў мове, хаця й у ёй таксама. Вось копія перадвыбарчай улёткі... Інтэлект проста зашкалівае. Адукацыі няма, выхаваньне слабое, IQ адмоўны, а інтэлект зашкалівае. Такі парадокс. Так бывае. У нас. IQ адмоўны, а інтэлект зашкалівае... А што вы хацелі? Яны праз увесь час так жылі. І чым даўжэй жылі тым адлегласьць паміж рэальнасьцю й інтэлектам станавілася большай. І вось вам вынік. “К Вам, – пішуць яны, – обращается не оппозиция, не западные политтехнологи, не майданутыя мерзавцы, а такие же простые граждане, как и Вы”. “Абрашчаецца” не апазіцыя а патрабаваньні самыя, што ні на ёсьць апазіцыйныя. Прыйсьці галасаваць не датэрмінова, а ў дзень галасаваньня, каб жыць без дыктатуры. IQ адмоўны, інтэлект зашкалівае. Вось і Лукашэнка вас “прастых как і Вы” разумее: “Што такое новае працестнае двіжэніе? Эта годы! Ево нет! Но ані не хацят себя связываць с радзікальнай апазіцыяй каторая всегда ваевала с намі на плашчадзях. А не палучылась. На Камароўке разьвернулі бел-чырвона-белы і еврапейскі флаг. І це хто сегодня фінансіруецца за шчот расійскіх алігархаў чотка понялі, что на дзеньгі расійскіх алігархаў ані к власьці ведут вот эту атмарожэную так называемую радзікальную апазіцыю Беларусі”. Цікава, што пра заходніх паліттэхнолягаў ні слова. Пра іх ні слова. Раней было, а цяпер ні слова. Вось і Ярмошына. Толькі пра ўсходніх: “У гаспадзіна Бабарыка есьць дзеньгі. Он нанял кваліфіцыраваных палітцехнолагаў. Не ісключэно што загранічных. Ані работают паэтаму канешна жэ наша Цэнтральная Камісія, наша ізьбірацельная камісія проста-напраста к этаму не гатовы, патаму што нікагда не работалі в падобных условіях. Цежало нам прыходзіцца”. Але нашыя “прастые как і Вы” супраць расейскіх не падымаюцца. Маўчаць. IQ адмоўны, інтэлект зашкалівае. Пруць супраць заходніх. А тыя намі ані не цікавяцца. Прынамсі іх невідаць. А вось Лукашэнка да іх зьвяртаўся. Яшчэ году няма як памёр у Брытаніі ягоны іміджмэйкер Цімаці Бэл, які ў 2008 годзе паляпшаў імідж лукашэнкаўскавай дыктатуры ў сьвеце. Але асабліва мне спадабаліся ў перадвыбарчай адозве “прастых як і Вы” “майданутыя мерзавцы”. Нешта такое я ўжо чуў... “Эці цэлі нам ясны: устроіць нам майданчык в прэддверыі прэзідзенцкіх выбарав. Ілі в дзень прэзідзенцкіх выбарав. Ну, как палучыцца у ніх. Так ані планіравалі. Хачу вот на этай встрэчэ вас прэдупрэдзіць і всех, хто нас услышыт: всех эціх майданутых хачу прэдупрэдзіць, што майдана в Беларусі не будзет”. (Лукашэнка). Бядака. Ведаў няма. Адукацыя як заўсёды кульгае IQ адмоўны, інтэлект зашкалівае. Майдан у Беларусі быў задоўга да лукашэнак, ярмошыных і “прастых как і Вы”: Ой там на таку, на майдане, Жонкі мужыкаў ды прадавалі. Як прыдзецца да ладу, Дык я свайго павяду, Дый прадам. Із лык матузок ды ссукала, Ўзяла свайго мілага, залыгала, Дый павѐла на майдан, Да церніцы прывязала. Я не вінавачу аўтараў адозвы ў тым, што яны, раззлаваныя дзеці свайго нядаўнага бацькі, напісалі самі ня ведаючы што. У такой краіне яны вырасьлі, так іх выхавалі, так навучылі. Я баюся, што гэткімі вырастуці і іхныя дзеці. Без заходніх паліт і іншых тэхналёгіяў, бяз волі, вольніцы й вольнасьці, без мачымасьці плошчы. Бяз мовы, у якой ёсьць пазычанае некалі намі ў Беларускіх татараў слова майдан. Мантаж Славаміра Сокалава. Здымак зь першага відэашэрагу да песьні зробленага Франакам Вячоркам.