Карнік Коля Карпянкоў 6 верасьня, начале сваёй банды перасьледваў мірных дэманстрантаў у Менску. Супрацоўнікі кавярні "O'Petit" пусьцілі да сябе ўцекачоў і замкнулі шкляныя дзьверы. Коля рамалаціў тыя дзьверы дручком. Людзі Колі брутальна затрымалі дэманстрантаў. Коля, паводле колькасьці зорачак на плячах, думае, што ён палкоўнік, альбо, як казалі пад час маёй службы ў войску, палкан. Але сапраўдны палкоўнік, Коля, гэта ня толькі зорачкі. І таму слова палкоўнік ніяк не прывязалася да цябе ў маім вершы. Клапоўнік, тавары́шч – маральны дрышч, Ачольнік Беркута, гэрой вайны з народам. На шчасьце, не арлінае пароды – Клапоўнік, тавары́шч – маральны дрышч. Клапоўнік не палкан, не рызыкан, Герой вайны з кавярнымі дзьвярамі. Ён быў у іх, нібыта ў чорнай раме. Клапоўнік не палкан, не рызыкан. Клапоўнік Карпянкоў – фанат акоў, Такіх як сам, павёў на нас з табою, На O'Petit ня створаны для бою. Клапоўнік Карпянкоў – фанат акоў. Клапоўнік – шалянец, ідзе канец. Ёсьць антыдот – геройніцтва адчаю, Ён і клапоў і прусакоў зьнішчае. Клапоўнік шалянец, ідзе канец. 6-12 верасьня 2020 г. Бэрнардаў гасьцінец. Ужыты фрагмэнт здымку Дар'і Буракінай TUT. BY https://kurjer.info/2020/09/07/marsh-edinstva/