МАЙДАН ЭЎРОПЫ-2 Сёньня ўся Украіна – суцэльны Майдан – Лакмус Годнасьці іншых народаў Эўропы і сьвету. І ня йстотна ў руках Джавялін ці бярдан, Мне істотна а зь кім ты, гітара і рыма паэта? Мне істотна, ці сьвет гэткі ж сьмелы як сьлёзы дзіця, Пад ударамі спрэс замбаваных зьдзічэлых чужынцаў? Пад ударамі зла... Мне істотна, ці звыклая прага жыцьця У народаў такая ж, як прага спамогі ўкраінцам?.. РЭПРЭН: Майдан Эўропы як палае твой абсяг І сілы зла дратуюць душы, пляжаць целы Але трымаем сьцяг на ўсіх зямных асях Сьцяг перамогі над тым злом асірацелым. Сёньня ўся Украіна – суцэльны Майдан – Адэкватнасьці лакмус для іншых народаў Эўропы і сьвету. Зачыніце нябёсы! Уяўны расейскі тытан – не тытан! Ён карузьлік у сукні пашытай з маны і ракетаў. Ён гуляе на вашых пачуцьцях і то нездарма, Зь ім суседні баран вас на пугу і пернікі мацае. Гэта проста падман і “лізацыі” ў слове няма Як гаворка ідзе пра сапраўдную цывілізацыю. 11 сакавіка 2022.