МАЙДАН ЭЎРОПЫ-17 АКТУАЛІЗАВАНЫЯ ХІТЫ Ня ўсё, што пішу або перакладаю, умею ці магу сьпяваць... Нічога дзіўнага, бо не сьпявак і не музыка. Таму не шкадую аддаваць напісанае тым, хто можа й хоча яго выканаць музычна. Перакладаючы нешта заўсёды стараюся зрабіць і пераклад арыгінальны, і, у разе патрэбы, сэнсава Беларускі. Напрыклад, у вершы Расула Гамзатава “Жураўлі” для публічнага песеннага выкананьня зьмяніў радкі пра аварскую мову, на радкі пра Беларускую, бо чаго б гэта раптам Беларусы засьпявалі пра не сваю мову? Зразумела, калі б ішлося пра выданьне зборніка Гамзатава – усё было б як у арыгінале, гэта значыць пра мову аварскую. Апошнім часам у справу такіх перакладаў прыйшла ідэя актуалізацыі твораў. Інакш кажучы, пераробку усім вядомых хітоў, пад рэаліі часу. Гэткім чынам два актуалізаваныя хіты, якія ніхто не сьпявае, але можа кожны, хто захоча. Абодвы на тую самую тэму: рускі ваенны карабель... Паплылі. Малюнак на застаўцы узяты са старонкі: https://news.obozrevatel.com/society/krejser-moskva-pereveli-v-rang-podvodnyih-lodok-v-seti-volna-nasmeshek-iz-za-likvidatsii-flagmana-putinskogo-flota-video.htm НАД АДЭСАЙ ТУМАН Сл. Сяргея Белікава Муз. Ул. Дзьмітрыева Над Адэсай туман, У навінах падман, А яшчэ цішыня, быццам сьвет наш нямое кіно... Хто мне скажа чаму Рускі крэйсер “Му-му” Палюбіў, і абраў, і прабіў чарнамоскае дно?.. Гэта мора вайны, Гэта мора віны, І рашысты з масквы сеюць жаль, сеюць гора і боль, І ня трэба чакаць – Іх у хвалі макаць... Не макаць, а тапіць як іх топіць даўно алкаголь. Кажуць, крэйсер “Му-ма”, Як расея сама, Непрыступна стаяў, выстаўляючы хвормы свае. Дзьве ракеты “Нэптун” – Буські, боль, калатун... І няма... і цяпер разам з рыбамі песьні пяе... Будзь спакойны марак – Лёс твой поўны жабрак, Выбраў ты яго сам, бо Гарасім даўно ўжо ў труне. Трыкалёр над кармой І з масквой і з “Му-мой” Вам усім жыць у пекле на дне і ў гаўне. 21 красавіка 2022 Я НЕ МАГУ ІНАЧАЙ Музыка Ляксандры Пахмутавай. Словы Міколы Дабранравава Рускі ваенны карабель – Недзе жалейка плача – Ты цяпер нават не ў рубель Проста гара ламачча. Ты нашай шклянкі не чапай, Гора тапі ў стакане... Як утапіўся твой Чапай Гэдак і ты... як камень... А заблюеш, дык я прыду І разьвяду рукамі: Як ратаваць, скажы, брыду, Нат, як душа ня камень. Я падлячу – ты мне скажы Дротам або цьвікамі? Зрэшты, найлепш, відаць, нажы. Сэрца ж маё ня камень. Зорка патухла – выйшаў час... Выкінуў лёс на сушу. Як ні пі з душаў – згубіць вас Вашай душы бяздушша... Ты як Піліп той з канапель Сам заляцеў на плаху. Рускі ваенны карабель? Ну, дык, ідзі ты на ху! 31 сакавіка 2022. Слава Ўкраіне! Жыве Беларусь!