АДЫХОДЗЬ! КРЫЮ! (ВІДХОДЬ! КРИЮ!) Мы для наступу ў сьвет Беларускі прыйшлі – Жыць змаганьнем, бязь бітвы ня ўмерці, Сьмерць у ложку для тых, што сябе не знайшлі На змагарнай дарозе, паверце. Недзе ў пушчах сівых, у дубровах сьвятых, Перуны нашы гарты кавалі. Сьцены замкаў і вежы, і нават платы Адкладалі спатканьне ў Вальгале. “Трэба, каб Расея ці распалася, ці ўрэшце хаця б супакоілася у сваіх імпэрскіх амбіцыях...” бач, мярзотніца, як акапалася, Як бясконцай крывёю абзброілася, каб да волі ня здолеў прабіцца я. Як крывяніць сьцягно! Сьвішча з лутніцы* кроў Шлях да волі звычайна крывавы Дык ні кроку назад – гэткі крок ваяроў Я бяру ад паўстанцаў-зуаваў**. Гэта вёска Машчун – мой апошні рубеж, З бою больш не ўратую нікога, І асьвеціць рэальную ўжо непазьбеж Голас тура з сівога сівога. “Трэба, каб Расея ці распалася, ці ўрэшце хаця б супакоілася у сваіх імпэрскіх амбіцыях...” бо ня сьвеціць чужынцам так сталася, Сьмерць прыйшла яе сіла патроілася тут ваяр-Беларус на пазыцыі... 29 кастрычніка – 9 лістапада 2022. *Артерия – лу/тніца (ж.р.), артэ/рыя (ж.р.) Крын.: Воронец В.И. Русско-белорусский медицинский словарь / И.В. Воронец. – [изд. стереотип.]. – Гродно: ГрГМУ, 2005. Стар. 9. *Артерия – лу/тніца (ж.р.), артэ/рыя (ж.р.) – крывяносная судзіна, якая нясе кроў ад сэрца да органаў і тканак. Крын.: Варанец, В.І. Руска-беларускі тлумачальны слоўнік медыцынскіх тэрмінаў : для студэнтаў лячэбнага, педыятрычнага, медыка-псіхалагічнага, медыка-дыягнастычнага факультэтаў. Гродна: ГрДМУ, 2011. Стар. 22. **Зуавы. Пад час паўстаньня 1863 году ў шэрагах паўстанцаў існавала баявая адзінка “Зуавы сьмерці”, якая складалася з дабраахвотнікаў і адважнікаў-згубцаў – пераважна студэнцкай моладзі Ягелонскага ўнівэрсытэту. Вялікая колькасьць гэтых людзей была з Галіччыны й іншых земляў былога Вялікага Княства Літоўскага. Зуавы сьмерці насілі чорныя накідкі зь белым крыжам, яны давалі клятву пад час бою не адступаць і ў палон не здавацца. Крын.: Сокалаў-Воюш. Касінеры. Рукапіс.