“НАРОДНЫ ГЭРОЙ УКРАІНЫ” Калі з Касьцюшкавых часоў Твой род ішоў на маскаля, Калі на бой твой род ішоў Супроць крывавага крамля – Ня маеш выбару і ты, Ня маеш выбару таму, Што не папалены масты, І не закрыты шлях дзярму. Яно плыве на родны край, Яно галоднае як скон, Часінай адзчэлых зграй – Яно і права і закон. Няхай я ў нечым быў ня свой, Ды, ў вечнай празе перамен, Не пакідаў перадавой – Жыў без аддыхаў, без замен. Хоць на палову бачыў сьвет: Налева фокус, справа цень, Мне быў у цэльніку прасьвет, Як той праход у новы дзень. Я РПГ расшыфраваў Як Рашку Пазьнішчае Ганс, І ўсё, што зь ім нашчыраваў, Быў як пачатак, як аванс. Але... заўсёды ёсьць але... На момант пільнасьць падвяла Нібыта трапіў у імгле У дзьвюхгаловага арла: Скруціўся оркаў камандзёр, А потым і мярзотнік орк, Што стрэліў, перад тым што ўмёр, І позірк мой ахутаў зморк*. Там слава колішніх баёў, Там мужных продкаў галасы, І ў сэрцах новых адваёў Жывуць Касьцюшкавы часы. А з тых Касьцюшкавых часоў Мой род ішоў на маскаля, Калі на бой мой род ішоў Супроць крывавага крамля. 20 лістапада – 3 сьнежня 2022 г. * Зьмерк – змяркацца – каньне, зьмерк, зморк, змрочны, змрочлівы. (Ластоўскі, В. Падручны расійска-крыўскі (беларускі) слоўнік / В. Ластоўскі. — Коўна: Друкарня А. Бака, 1924. Стар. 663).