ДЗЕ МОЙ АЎТАМАТ Народжаны шляхціцам-ваяром. Дзьве кулі яшчэ ня раны. І ён не чакаў калі грымне гром Над краем нашым забраным. І ён не чакаў ён сказаў сабе: Як не цяпер, то калі? Ня трэба канаць-стагнаць у журбе Ад болю сваёй зямлі. Рэфрэн: А хтосьці ўнікае жыцьцёвых віроў, Крый божа майдан-бярдан, дзеля прадуху, / нат для Але Беларусь – гэта край ваяроў... Вайна - гэта боскі стан душы і духу. Душы і духу. Скрозь выбухі целы ірвуць і зямлю. Выведка, каб не так цяжка. Ні кроплі свайго не дамо маскалю І раптам яна... расьцяжка... І неба ў захмар’е, і сонца ў суклон, І хвілі выкропваюць жыцьце... Вы толькі мяне не аддайце ў палон, Вы толькі сябе зьберажыце. Рэфрэн. На слова помста ў нас рымы няма, Няма й дараваньня злачыну, І дзякуй, маці, што не зіма, Што пахне вясной капучына. Вясна над Радзімай! Жыве зарок! Сыход забірае холад. А памяць і край адбіваюць крок: Волат! Волат! Волат! Рэфрэн. 22 кастрычніка 2022.