ЯК ЗДАЦЦА Ў ПАЛОН Як слушна здавацца ў палон? Увесь рытуал дакладна пададзены й выстаўлены ў Інтэрнэт кампэтэнтнымі ворганамі Ўкраіны. Пададзены і выстаўлены па-расейску. Ну, мы ж “понімаем”. У нас жа расейская мова па-закону другая дзяржаўная а па-факту – першая. Ганьба. Глытаем? Не. Папраўляем... Дзеля лягчэйшага засваеньня рытуальнага сьвятадзейства здачы ў палон прапаноўваю паслухаць і, у разе патрэбы, запомніць як там і што. Бо... хто ведае? А вершаваны тэкст запамінаецца лягчэй, чым проза. Пагатоў што мы – самая паэтычная нацыя ў сьвеце. Дык, можа мой тэкст – гэта ваш шчасьлівы квіток, які дапаможа высьлізнуць з мясамолкі і коштам ахвярнасьці лепшых сыноў і дачок Беларусі ўскочыць у іншую – вольную і шчасную будучыню нашай краіны. Калі сустрэўшы ЗСУ Ці нашых Каліноўцаў Ты смачна плюнеш на Маскву Што здохне на вяроўцы І як застацца схочаш ты У статусе героя Каб не адкінуць капыты – Адкінь як далей зброю, Рэфрэн: Мой сказ у сёньняшняй касьбе Жыцьцё табе ўратуе Калі ня выбераш сабе Ты сьцежачку ня тую. Затым устань у рост наўпрост Устань з рукамі ўгору І пачынай на поўны рот Лямантаваць да змору. Здаюся! – гэта поўны сказ І нат як розум вузкі Скажы хоць раз не на паказ Скажы па-Беларуску Рэфрэн. Па-Беларуску каб пазнаць, Што ты ня гопнік с рашы, Каб мо цябе маглі прыняць У Каліноўцы нашы. А калі поўныя штаны, І Беларусь да фені – Цябе пакінуць жыць яны Удвох з тваім сумленьнем. А цяпер для самых тупых. Бязь лірыкі. Па пунктах: Зброю прэч – гэта раз. Роўна стань – гэта два. Рукі ўгору – гэта тры. Сьцяг дастань Белы сьцяг дастань – чатыры. Потым пяць: Крычы: “Здаюся!” Лямантуй на ўсю гартань Калаціцца перастань Будзеш жыць! Клянуся! Завучваем на памяць: Зброю прэч Роўна стань Рукі ўгору Сьцяг дастань Белы сьцяг дастань, Крычы: “Здаюся!” Лямантуй на ўсю гартань Калаціцца перастань Будзеш жыць! Клянуся! ========== ============ * у рост наўпрост = выпрастацца 18 студзеня 2023 г.