“БАМБАНУЦЬ КРЭМАЛЬ І ЕХАЦЬ У БЕЛАРУСЬ” Пінск змагарны, Пінск гэройскі у 20-ым, Мала хто тады вось так змагаўся з катам, Мала хто навострыў дзіды з арматуры Для набатнай пераможнай партытуры. Ён зрабіў і гэты крок, але паўстаньне Не далі падняць, маўляў, народ ня ў стане... Што ж у выніку... у выніку чужына... Як абраза, як праклён, як батажына... Чыя тут віна і чыя мана Адкажа няўмольны час... Ды музыку сьцежкі дадому вайна Заграла тады якраз. Вайна не пратэст, не шпацыр, ня мёд... Вайна – гэта хто ты, што ты... Ён бубны й гітару на кулямёт Зьмяніў, на патроны ноты... Ёсьць шанец пазбавіцца ад маскалёў – Нялюдзкага рускага міру. Лупіць як па нотах. Гара штабялёў Палеглых, бяз ценю прыміру. І раптам... о божа... як сьпіну пячэ... Ні сьпіны... ні кулямёта... О як гэта страшна жывому яшчэ Пачуць пра сябе: дзьвюхсоты. І грымнула музыка славы над ім, І кожнаму атаму сьвету Так стала сіротна на момант які, Ды гіман жыцьця недапеты Пінск пачуе, Пінск згадае, Пінск ускрэсьне, Вольнай песьняй, сьмелай песьняй, мужнай песьняй, Так як колісь у змагарным, у 20-ым. І буду я, і будзеш ты, і з намі Атам. 20-22 лютага 2023 г. Застаўка з інтэрнэт-старонкі БЕЛСАТУ https://belsat.eu/programs/09-12-2022-barabanshchyk-stau-kulyamyotchykam-pamyatsi-vasilya-atama-grudovika