МЫ СТАНЕМ ЦЭНТРАМ БЕЛАРУСКАГА СУПРАЦІВУ Жыцьцё магло прайсьці іначай, Усё магло быць па-другому, Але цягнуў імпэт юначы У сьвет няўрымсьліва-рухомы, Дзе столькі зваблівых нагодаў, Дзе ты сябе стварыць у стане, Каб сам з сабой прыйсьці да згоды, І каб знайсьці сваё сьвітаньне. Піць каву і глядзець на Нотр-Дам, І Беларускі дух пачуць на Гравіе, І стаць сваім, як там жывуць свае, Ды легіён – пляцдарм і крок... а там: Яно ня раптам палыхнула, Было і бачна і прадбачна, І не жыцьцё віраж загнула Мярзотна і сьвінасабачна – Масква ва ўпартасьці тупая, У фашыстоўскім ачмурэньні Сама сабе свой дол капае, Сама спаўзае на калені. Тут не да кавы. Кіеўскі абшар, І Беларускі дух, дзе Косы Капанір, І адраджэнскі лёс як бліц-турнір, Ёсьць край – ты ж не бязхацька не клашар. За мной, наперад, пабрацімы, Гранатамёт на танк варожы. У бой гусарамі ляцім мы, І тут... згубіўшы асьцярожы... На момант можа без разважкі... А можа нельга па-другому... Мой бой раптоўна самы цяжкі, І ўрэшце... самы нерухомы... Гляджу з Вальгалы. Та бы па крамлях. А мінамёт і не шпацыр і не пратэст... І мужны пададдзел з акцэнтам Брэст Да нашай волі расчышчае шлях... 10 сакавіка 2023 г.