СТРУЧОК. ЧАСТКА ДРУГАЯ. НЕ ДАРУЮ Не дарую ім, бо ведаюць, што вытвараюць. Эвангельле ад Кастуся Каліноўскага. Даруйце, змагары з рашызмам, Рай патрабуе абароны. Анёлы крылам навучылі дроны, А дроны танкі навучылі трыбушызму. А растрыбушаныя служкі сатаны Чамусь сябе як праўднікаў трактуюць, І плішчуцца пішчом у рай яны, Хоць іх навек для пекла пакетуюць. Рай бараніць такая, браце, рэч – Патрэбны лепшыя, ну, прафэсыяналы, І вось Ярыла уздымае меч І кліча самахотнікаў з Вальгалы. Хоць афіцыйна профі там ня ўсе, Але ад іх захопнікаў трасе. Дык бі, змагар, яшчэ раз іх карай, Хай зноў паўстануць вечным грузам дзьвесьце Аматары прынесьці пекла ў рай, Ці джа́ннат у джаха́ннам перанесьці. Яны зусім ня цямяць як жа так, Калі ім можна ўсё. Яны ж Расея! Таму так гучна рохкае пятак, І брэхае брахак, і болей псее. Рай бараніць такая, браце, рэч – Патрэбны лепшыя, ну, прафэсыяналы, І вось Ярыла уздымае меч І кліча самахотнікаў з Вальгалы. Хоць афіцыйна профі там ня ўсе, Але ад іх захопнікаў трасе. Штурмуюць воркі райскія муры, Сьмярдзяць пратухла сьметнікам-сарцірам. О як іх шмат! І гэта папуры Захмар’е абрыгала рускім мірам. Такі вось нечаканы паварот: Зрывае нос эдэмскім фармалінам. Для параўнаньня, серавадарод Каля яго здаецца ванілінам. Рай бараніць такая, браце, рэч – Патрэбны лепшыя, ну, прафэсыяналы, І вось Ярыла уздымае меч І кліча самахотнікаў з Вальгалы. Хоць афіцыйна профі там ня ўсе, Але ад іх захопнікаў трасе. 14 сакавіка 2023 г.