Песьня 2021 году. Старая. Лічы – неактуальная. Ужо гісторыя. І ня тое, каб новага нічога не было. Ёсьць. Але ж во неяк згадалася гэтая... Пачуўшы, ці ня ў тым самым 21-ым, як хтосьці назвааў Беларускія грошы фаньцікамі, я раптам падумаў, што фаньцікі ім ледзь не камплімент. Вунь “Пагоня” і тая паскакала з гэтых паперчын па-сваіх сваіх Беларускіх справах, ну, “за сваімі дзяцьмі уздагон, што забылі” яе, “адракліся, прадалі і аддалі ў палон”. А тут нашыя кансьпіролягі падкінулі думку, маўляў, сапраўдным бацькам брутальнага безайчыньніка Лукакі быў нейкі фашыст Рыгор Феньцік... Ну й чаму б, падумаў я, лукарубялі не назваць феньцікамі, заміж фанцікаў. Пагатоў, што сапраўдныя Беларускія грошы, якія называюцца талеры, усё яшчэ чакаюць свайго часу... Гэткім чынам “Феньцікі”. Песьня зь мінулага. ФЕНЬЦІКІ А нам усім і да Айчын і да Радзім, Хаця пад бокам маем поўны камуфлет... Бо у памыйніцы “Паедзем паядзім” Гуляе Колька Жоўты пісталет. Санёк яму спансуе гулі на касьцях. Сынок фуфляк і тата – парвеню. Штодня ўздымаюць чыр-зялёны – сьцяг І гарбузуюць вулдурацкае мэню. Рэпрэн: Вы толькі фенцікі, кладзіце фенцікі – Рублі неактуальныя цяпер. Вы толькі фенцікі, кладзіце фенцікі, Або за іх бярыце напавер. Зірнем і мы туды, якая там мяня: Паштэт балбаба, боршч дідуха, морс застрэль, А за аснову падкладальная сьвіньня – Гуляш ябацька і падліва натурэль. А наталіцца ёсьць масандра наталі, І для натолу ёсьць асобны габінет, Язык азронак, крый бабло, не за рублі Вам там пакажа сракаліз-самамінет. Рэпрэн. А сёньня ў Колькі дзень Ванёла і ванёл, У вобразе Ваняткі-Вавана, Махнуў крылом і вось табе на стол І чалавечына, і хрэн, і да храна. Ваван, Санёк, калючка, кайданкі, Адкрыты гвалт, таемны перасьлед, І цэлы сьвет, падраны на шматкі – Гуляе Колька Жоўты пісталет... 10 ліпеня 2021 г.