ВЫГНАНЦЫ Не на тое, каб зьбегчы, схавацца, А на тое, каб жыць, не здавацца, Каб ізноўку не пасьлізнуцца, І назад зь перамогай вярнуцца. Нават хай не фізычна – духова, Не да твару ж нам здрадная схова, Ад сябе ж не ўцячэш, а як зможаш Боль Матулі-Айчыны, памножыш. А шчасны лёс ня недзе за гарамі Хоць сэрца і душа пакрыты ранамі Жыцьцё нас парабіла змагарамі На тое каб вярнуць сваё забранае Праўда ёсьць тут, кажы ні кажы я, Хто ўжо дома былі як чужыя Хто жылі як сьляпыя ў падвале І захоплена нас прадавалі. То кацапам то хатнім манкуртам Паасобку здавалі і гуртам, Ды здабыўшы заходніх дабротаў Наплявалі на тых, хто за дротам. Мы ж не рабы, што ходзяць на вяроўцы, Зьяднаныя інакшымі крытэрамі, Хто можа – той падаўся ў Каліноўцы, А хто ня можа – сталі валянтэрамі. Нам нікому ня лёгка, ня проста, Незалежна ад стану й узросу, Хтось мужнее насупар адчаю, Хтось ад продкаў дзяцей адлучае. Як па-розаму ўсё ды адное Будзе вечна-заўсёды са мною, Мы адродзімся вартымі сьвету, І аморфнікі кануць у Лету. Гэй, суйчыньнік, бегма да зьяднаных! Нам Беларусь перад усім, а значыцца Мы пераможам. Верым, можам – знана І Беларускі лёс наш перайначыцца. 13 сакавіка 2023.