«Вольны хор» выпусціў кліп на песню барда Андрэя Мельнікава «Гэта мы». Упершыню песня загучала ў харавым выкананні. «Вольны хор» прэзентуе кліп на песню «Гэта мы» – як чарговыя словы падтрымкі ўсім беларусам. У кліпе ўжыты шчымлівыя фрагменты з мірных акцый пратэсту, што яшчэ раз нагадваюць: «гэта мы» робім гісторыю! Гэта – тысячы моцных ног, што пячатаюць цвёрды рытм. Гэта – не яны. Ведае Бог: гэта – мы! Гэта – мы! Гэта мы – тыя, хто цягам чатырох месяцаў наспынна змагаюцца за волю. Гэта мы – тыя медыкі, завадчане, студэнты, хто выйшаў на шлях барацьбы з несправядлівасцю і падманам. Гэта мы – тыя, хто цвёрда ведаюць сваю мэту, і ўпэўнена крочаць да яе. Музыка і словы песні: Андрэй Мельнікаў. https://www.facebook.com/mielnikaw https://vk.com/andrey_mielnikaw Харавая апрацоўка: Кастусь Яськоў. Мантаж: Ганна Шымановіч. Альбом Вольнага хору «Годныя песні» слухайце тут: https://youtu.be/suN9LYsC1qU​ Анлайн-прэзентацыя альбому «Годныя песні» тут: https://youtu.be/TxDZUhwEl6E​ Спампаваць спеўнік «Годныя песні» з нотамі, акордамі і словамі песняў, якія выконвае «Вольны хор», можна тут: https://symbal.by/spieuniki/ Паслухаць «Годныя песні» можна на ўсіх папулярных платформах: Spotify, Яндекс Музыка, Apple Music, iTunes Store, Tidal, Deezer, Pandora, Boom, VK Music, YouTube Music: https://ffm.to/hodnyjapiesni ​ «Вольны хор» з’явіўся ў жніўні 2020 года, як рэакцыя на палітычныя падзеі ў краіне, — гэта аб’яднанне музыкаў, якія не могуць маўчаць, для якіх спевы і песні гэта сродак выказвання сваёй пазіцыі. Усе творы ў альбоме гучаць змешаным хорам a cappella. У лістападзе «Вольны хор» прэзентаваў альбом «Годныя песні», у які ўвайшлі песні і гімны беларускіх аўтараў. У альбом «Годныя песні» былі адмыслова адабраны творы, якія абуджаюць патрыятычныя пачуцці, нагадваюць нам хто мы і адкуль. Некаторыя тэксты з песень альбома былі забаронены ў розныя часы, а аўтары растраляны. Праект «Годныя песні» — гэта адраджэнне беларускай культуры, вяртанне да сапраўдных каштоўнасцяў. Падпісвайцеся на "Вольны Хор" у сацсетках: Telegram: https://t.me/volnychor Instagram: https://www.instagram.com/volnychoir Facebook: https://www.facebook.com/VolnyChoir