У нядзелю 15-га верасьня ў Беларуска-амэрыканскім цэнтры ў горадзе Саўт Рывэр у штаце Нью Джэрзі адбылася ўрачыстая прэзэнтацыя кнігі Янкі Запрудніка пра беларускія фэстывалі й выстаўкі ў Нью Джэрзі. У кнізе апісаны падзеі ў пэрыядзе ад 1948-га па 2011-ты год. Арганізаваў прэзэнтацыю Беларускі Інстытут Навукі й Мастацтва. Пасьля багаслужбы ў царкве сьв. Еўфрасіньні Полацкай прасторная заля цэнтру, упрыгожана афішамі й павялічанымі каляровымі здымкамі былых фэстываляўя і выставак, напоўнілася людзмі зблізку й здалёку. Урачыстасьць адкрыў уступным словам др. Вітаў Кіпель, дырэктар Беларускага Інстытуту Навукі й Мастацтва. Прамаўляў таксама аўтар кнігі Янка Запруднік. Шмат хто з гасьцей набыў сабе публікацыю з аўтографам аўтара. Кніга, багата ілюстраваная, напісана на дзьвюх мовах, ангельскай і беларускай. Выданьне аітрымала вельмі прыхільныя водгукі й ацэнкі ад чытачоў.