У нядзелю, 1 снежня, на беларускіх могілках у Іст-Брансвіку ню-джэрсійскі адзел БАЗА і БАЗ "Пагоня" ладзілі ўшанаваньне герояў Слуцкага Збройнага Чыну. У царкве Сьвятой Жыровіцкай Іконы Божай Маці адбыліся Божая літургія і паніхіда па загінулых ва ўзброеным змаганьні на Случчыне. Пад час урачыстай акадэміі быў паказаны фільм пра Слуцкі Збройны Чын. Затым удзельнікі наведалі помнік загінулым героям і усклалі да яго вянкі. А таксама магілу Хвёдара Данілюка, адзінага удзельніка Слуцага Збройнага Чыну, пахаванага на гэтых могілках.