У нядзелю, 13 красавіка ўкраінскія актывісты Нью-Ёрка зладзілі марш пратэсту супраць расейскай агрэсіі ва Ўкраіне. У маршы таксама ўдзельнічалі прадстаўнікі беларускай і грузінскай суполак ЗША. Мэтай мерапрыемства было прыцягненне увагі амэрыканцаў да расейска-украінскага кафлікту. Акцыя распачалася мітынгам на Таймс-Сквэр, дзе са словамі падтрымкі да украінскага народа зьвярнуўся старшыня КХП-БНФ Зянон Пазьняк. Затым пратэстоўцы прайшлі маршам ад Таймс-Сквэр да будынку Расейскай місіі ААН. Яны спявалі гімн "Шчэ нэ вмэрла Украіна", і скандавалі па-ангельску "Рукі прэч ад Украіны!" "Сёння - Крым, наступная - Аляска!"