28 верасьня на Атлянтык авэню ў Брукліне адбыўся саракавы фестываль "Атлянтык Антык", у якім традыцыйна прынялі удзел парафія Кафедральнага Сабора Крыла Тураўскага і бруклінскі аддзел БАЗА. Як і штогод, прыхаджане собору гандлявалі беларускімі стравамі. Арганізатары мерапрыемства ўзнагародзілі парафію сабору як найстарэйшага удзельніка фэстывалю шкляной памятнай граматай У рамках фэстывалю ў грамадзкай залі сабору адбыўся прагляд сэрыі дакумэнтальных фільмаў Babylon-13 http://babylon13.com/en/ украінскага рэжысэра Юрыя Грузінава, адзнятых ім з кастрычніка 2013 году. Пасьля прагляду адбылася дыскусія з удзелам актывісткі украінскага руху ў Нью-Ёрку Натальлі Стэльмах,старшыні Бруклінскага Аддзелу БАЗА Андрэя Асадчага і актывіста грузінскай дыяспары Леа Тактакішвілію Мадэратарам дыскусіі быў Зьміцер Шчыгельскі. Удзельнікі абмеркавалі паралелі паміж падзеямі ў Грузіі ў 2008 годзе і ва Ўкраіне ў 2013-2014 і магчымыя ўрокі зь іх для Беларусі. Адзначаныя цікавасьць грамадзян Украіны і Грузіі да стварэння Балта-Чарнаморскага саюзу і важнасьць люстрацый асоб, што займалі высокія палітычныя пасты ў савецкія часы.