25 кастрычніка у Нью-Ёрку у Міжнародным Доме Маркоў на Манхэтане пад час паседжаньня БАЗ "Пагоня" адбылася прэзэнтацыя чарговага, восьмага па ліку, выпуску літаратурнага штогодніка - альманаха "Беларус". Мерапрыемства сабрала больш за 50 чалавек. Выдавец і галоўны рэдактар Марат Клакоцкі расказаў пра гісторыю выдання.Вядучы Сяржук Сокалаў-Воюш даваў слова аўтарам альманаха: Віталю Зайку, Эмігідыюшу Рыжаму, Марыне Кражовай, Валянціне Якімовіч, а тыя чыталі свае творы і дзяліліся творчымі плянамі. Напярэдадні 55-й гадавіны Анатоля Сыса Валянціна Якімовіч чытала найбольш папулярныя і любімыя вершы паэта.