31 студзеня у грамадзкай залі Сабору Кірыла Тураўскага ў Брукліне спадар Зянон Пазьняк прэзентаваў факсімільнае выданне кнігі Аўгена Калубовіча "Мова ў гісторыі беларускага пісьменства" Кніга распавядае аб тым, колькі набыткаў і каштоўнасцяў мела спрадвеку беларуская кніжная культура . Гэта зборы, бібліятэкі, якіх у Вялікім Княстве Літоўскім налічваліся сотні: пры манастырах, княскіх маёнтках, магістратах, яны захоўвалі сотні тысяч кніг і рукапісаў, беларускіх і з усяго свету. А таксам аб тым, як па-варварску, паслядоўна, спачатку расейскай імпэрыяй, затым бальшавікамі ўсё гэтае багацце нішчылася, спальвалася, рабавалася і вывозілася ў музеі Масквы і Санкт-Пецярбурга.