11 сакавіка ў Нью-Ёрку моладзь беларускай дыяспары разам з БАЗ "Пагоня" зладзілі першы ў гісторыі беларускай дыяспары ў Амерыцы парад на роварах, прымеркаваны да 100-годдзя БНР. Парад стартаваў ад Times Square. Удзельнікі праехалі восем з паловай кіламетраў і па прыезду ў Bowling Green Park праспявалі беларускія песні. Пасля чаго на гістарычным флагштоку побач з амерыканскім быў узняты беларускі бел-чырвона-белы сцяг. Мінакі прыязна сустракалі і віталі ўдзельнікаў. У акцыі прыняло ўдзел 34 чалавекі.