Беларуская лідарка ўдзельнічала ў III Канферэнцыі беларусаў і беларусак свету, дзе гасці з 21 краіны прадстаўлялі больш за 100 ініцыятываў. У сваім выступе Святлана Ціханоўская падкрэсліла важнасць адстойвання беларускіх інтарэсаў за мяжой і падтрымку палітзняволеных. Яна заклікала беларусаў замежжа дапамагаць і падтрымліваць тых, хто зазнаў пераслед і застаўся без працы і дома, а таксама дапамагаць Украіне. Ціханоўская падкрэсліла, што беларусы замежжа маюць магчымасць аказаць рэальную дапамогу сваім сябрам унутры краіны.