Беларускі рэжым вырашыў, што знайшоў сродак канчаткова перамагчы пратэст. Для гэтага, на думку ўлады, дастаткова адабраць у нязгодных іх сімвалы — бел-чырвона-белы сцяг і вокліч “Жыве Беларусь!”. І з гэтай мэтай распрацавалі законапраект, які прызнае гэтыя “пратэставыя сімвалы” — экстрэмісцкімі. Маўляў, імі ж калабаранты падчас вайны карысталіся! Ці вінаваты сцяг у тым, хто і як яго выкарыстоўваў? Ці ёсць доказы здзяйснення злачынстваў пад нацыянальным сцягам і ці патрэбныя гэтыя доказы сённяшняму беларускаму рэжыму? Ці можна забаронай адабраць у народа яго гістарычныя сімвалы і памяць? На гэтыя ды іншыя пытанні адказвае мастак-геральдыст, даследчык, сябра Геральдычнага савета пры прэзідэнце Беларусі Віктар Ляхар. 02:00 Ці ёсць гістарычнае абгрунтаванне для таго, каб абвясціць БЧБ-сімволіку экстрэмісцкай? 06:20 Ці знайшлі гісторыкі доказы таго, што пад бел-чырвона-белым сцягам тварылася зло? 09:00 Якія часці выкарыстоўвалі бел-чырвона-белую сімволіку падчас вайны? 13:00 Што такое патрыятызм? 15:00 Якія нагоды і прычыны могуць быць для забароны БЧБ-сімволікі? 24:10 Наколькі для вас нечаканым стала тое, што вашыя кніжкі сталі непажаданымі? 31:40 Лёс чалавека, які прыдумаў бел-чырвона-белы сцяг ТГ: https://t.me/euroradio FB: https://www.facebook.com/euroradio.fm/ ВК: https://vk.com/euroradio ОК: https://ok.ru/euroradio Instagram: https://instagram.com/euroradio