Аналітык Сяргей Чалы пракаментаваў сённяшні ліст Лукашэнкі генсеку ААН Антоніу Гутэрышу / Навіны Беларусі. Еўрарадыё. Палітыка Станьце спонсарам канала, і вы атрымаеце доступ да эксклюзіўных бонусаў. Падрабязней: 👍 YouTube: https://www.youtube.com/channel/UC1v_dekbxqgQjBQ2fg39uBg/join 👍 Patreon: https://www.patreon.com/euroradio 👍 PayPal: https://euroradio.fm/ru/content/donate-ru Канал Сяргея Чалага: https://www.youtube.com/channel/UCA80xm-R-eht5hfNpREHvZg Генсек Арганізацыі Аб'яднаных Нацый Антоніу Гутэрыш атрымаў ліст ад Аляксандра Лукашэнкі. На мінулым тыдні яго перадаў пастаянны прадстаўнік РБ пры ААН Валянцін Рыбакоў, а ў панядзелак БЕЛТА апублікавала тэкст. У лісце Лукашэнка спрабуе пераканаць генсека ААН, што ўлады Беларусі не агрэсары. Для гэтага ён згадвае і колішнія перамовы ў Мінску па ўрэгуляванні сітуацыі ва Украіне, і першыя раўнды сёлетніх перамоваў, і шматлікія войны, якія перажыла наша краіна. Пра тое, што "на Беларусь рыхтаваўся напад", чамусьці на гэты раз згадана не было. "Але мы і не здраднікі", — піша Аляксандр Лукашэнка. Відаць, так ён тлумачыць падтрымку дзеянняў Расіі. Якія прапановы Лукашэнкі? Устрымацца ад паставак узбраенняў, ад інфармацыйных войнаў, "розных правакацый", "ад легалізацыі і накіравання наймітаў". Таксама ён запэўніў генсека ААН, што Беларусь "гатова да прамых сустрэч і іншых крокаў з тым, каб забяспечыць мір". Такім чынам, афіцыйны Мінск усё яшчэ спадзяецца на ролю міратворца. А яшчэ яму патрэбны "гарантыі нацыянальнай бяспекі Беларусі". У лісце таксама напісана, што "Беларусь заклікае краіны свету аб'яднацца і не дапусціць перарастання рэгіянальнага канфлікту ў Еўропе ў паўнамаштабную сусветную вайну". А яшчэ Аляксандр Лукашэнка папярэджвае, што ААН "можа паўтарыць незайздросны лёс Лігі нацый". Падпісвайцеся на нашы сацсеткі! 💎 ТГ: https://t.me/euroradio 💎 FB: https://www.facebook.com/euroradio.fm 💎 TikTok: https://www.tiktok.com/@euroradio 💎 ВК: https://vk.com/euroradio 💎 ОК: https://ok.ru/euroradio 💎 Instagram: https://instagram.com/euroradio