Публічная лекцыя этнакультуролага, мастака і музыкі Тодара Кашкурэвіча "Спаміж ці пасярод. Традыцыйная культура ў горадзе" - з цыклу публічных лекцый "Urbi et Orbi", якія ладзіць Лятучы ўніверсітэт (http://fly-uni.org). Адбылася 25 студзеня 2012 года ў Мінску. Апошнім часам Тодар Кашкурэвіч даволі часта выступаў з лекцыямі, у тым ліку ў межах "Ракаўскіх чытанняў" - лекцыйнага калегіюму цэнтра этнакасмалогіі "КРЫЎЯ", які праходзіць у Ракаве штомесяц, пачынаючы з вясны 2012 году. Тэматычна "Ракаўскія чытанні" канцэнтруюцца вакол пытанняў традыцыйнай мадэлі свету, этнагенэзу беларусаў у балцкім кантэксце, стылю традыцыйнай этнічнай культуры, праблемаў этнафутуралогіі.Лекцыю "Urbi et Orbi" Тодар Кашкурэрвіч прысвяціў разгляду традыцыйнай этнічнай культуры як падмурка ў фарміраванні сучаснай нацыянальнай ідэнтычнасці. "Спаміж ці пасярод. Традыцыйная культура ў горадзе" - гэта разважанне пра мажлівыя спосабы суіснавання дзвюх светапоглядных сістэмаў - сучаснай гарадской і традыцыйнай вясковай. Некаторыя тэматычныя развароты лекцыі Тодар Кашкурэвіч пазначае як: - Вёска ў горадзе, ці Космас у Хаосе. - Вайна, ці мір у культурных парадыгмах. - Дыктатура, ці дэмакратыя ў канструяванні калектыўнага "Я". - Мовы і стылі ў цывілізацыйным процістаянні. Гл. усе публічныя лекцыі: http://www.youtube.com/playlist?list=PL280D25954059FB75