Госць — Міхаіл Баярын. Вядоўцы — Ігар Бабкоў і Уладзімір Мацкевіч. Еўрапейскі арыенталізм нарадзіўся ў 19-м стагоддзі з духа навукі, пазітыўнай веды, у момант найвышэйшай магуты цывілізацыі Захаду. Беларускі зварот да Індыі (і Усходу) паўстае ў эпоху позняй мадэрнасці, калі пад пытаннем апынуліся каштоўнасці класічнай эпохі і сама заходняя ідэнтычнасць. Што значыць перакладаць Бхагаватгіту — напачатку 21-га стагоддзя, у Беларусі? Якія магчымасці адкрывае сёння зварот да мыслення старых індусаў? Ці выпадкова, што вядучыя "санскрытазнаўцы" нашай эпохі (Міхал Баярын, Ігар Кулікоў) — вядомыя беларускія паэты? Універсітэцкі семінар АРКА — месца, дзе мы шукаем у актуальных з'явах нашага жыцця сутнасць і змест. Анталогія, рэфлексія, культурная аналітыка — рамкі для працы на семінары.